Tue. Oct 15th, 2019

රසායන විද්‍යාව සඳහා වන නොබෙල් ත්‍යාගය විද්‍යාඥයින් තිදෙනකුට

2019 වර්ෂයේ රසායන විද්‍යාව සඳහා වන නොබෙල් ත්‍යාගය ලිතියම් අයන කෝෂ වැඩිදියුණු කිරීම සම්බන්ධව කටයුතු කළ විද්‍යාඥයින් තිදෙනකුට හිමිව ඇත.

ජෝන් බී. ගොඩනව්, එම්. ස්ටැන්ලි වයිට්හැම් හා අකිරා යොෂිනෝ එම සම්මානලාභී විද්‍යාඥයින් තිදෙනාය.

පවුම් 738000 ක මුදල් ත්‍යාගය මෙම විද්‍යාඥයින් තිදෙනා අතර බෙදී යනු ඇත.

ඇමරිකානු ජාතික 97 වියැති මහාචාර්ය ගොඩනව් නොබෙල් ත්‍යාගය ලබන වයසින් වැඩිම පුද්ගලයා ලෙස ඉතිහාස ගතවේ.

වයස අවුරුදු 77ක් වන  වයිට්හැම් මහතා බ්‍රිතාන්‍ය ජාතිකයෙකි.

ජපානයේ ඔසාකා නගරයේ උපත ලබා ඇති යොෂිනෝ මහතා 71වන වියේ පසුවේ.

ආරෝපණය කලහැකි සැහැල්ලු නමුත් ප්‍රබල විද්‍යුත් කෝෂ, ජංගම දුරකථන, ලැප්ටොප් පරිගණක හා විදුලි මෝටර් රථ වැනි උපකරණ වල ප්‍රවර්ධනයට බොහෝ සෙයින් උපකාරී වූ අතර එය එම ක්ෂේත්‍රයේ මහත් පෙරළියක් ඇති කිරීමට හේතු වී ඇතැයි නොබෙල් සම්මාන කමිටුව පවසයි.

තොරතුරු සන්නිවේදනයට, අධ්‍යයනයට, සවන් දීමට සහ දැනුම ගවේෂණයට මෙම සැහැල්ලු විද්‍යුත් උපාංග ලොව පුරා භාවිතා කරන බවද ඔවුහු පවසති.

බීබීසි ඇසුරිණි

Leave a Reply

Your email address will not be published. Required fields are marked *