/
/
title icon A/L අවසන් වනතුරු විදුලිය කපන්න අවසර නැහැ – උපයෝගීතා කොමිසම කියයි – අදත් පැය 2 යි විනාඩි 20 ක විදුලි කප්පාදුවක්.
A/L අවසන් වනතුරු විදුලිය කපන්න අවසර නැහැ – උපයෝගීතා කොමිසම කියයි – අදත් පැය 2 යි විනාඩි 20 ක විදුලි කප්පාදුවක්.
Editor
1 year ago
Share:
A/L අවසන් වනතුරු විදුලිය කපන්න අවසර නැහැ – උපයෝගීතා කොමිසම කියයි – අදත් පැය 2 යි විනාඩි 20 ක විදුලි කප්පාදුවක්.

උසස් පෙළ විභාගය අවසන් වන මේ මස 17 වනදා දක්වා කිසිදු ආකාරයක විදුලි කප්පාදුවකට අවසර ලබාදී නොමැති බව ශ්‍රී ලංකා මහජන උපයෝගීතා කොමිසම පවසනවා. උසස් පෙළ විභාගයට පෙනී සිටින සිසුන් තුන් ලක්ෂ තිස් එක්දහසකගේ මානව හිමිකම් ආරක්ෂා කිරීම සඳහා මෙම තීරණය ගෙන ඇති බවයි එම කොමිසමේ සභාපති ජනක රත්නායක කියා සිටියේ.

එය නොතකා සිදුකරන විදුලි කප්පාදුවක් අනවසර සහ අනීතික ක්‍රියාවක් බවද ඔහු සඳහන් කළා.

විදුලිය උත්පාදනය සඳහා අතිරික්ත ජලය නිකුත් කිරීමට ජල කළමණාකරණ ලේකම් කාර්යාලය එකඟ වීමත් සමඟ පසුගිය 30 සහ 31 යන දින දෙකෙහි විදුලි කප්පාදුවක් සිදු කෙරුණේ නැහැ.

එහෙත් එම කාර්යාලය ඊයේ ප‍්‍රකාශ කළේ විදුලි උත්පාදනය සදහා තවදුරටත් අතිරික්ත ජලය නිකුත් කිරීමේ හැකියාවක් නොමැති බවයි.

ඒ අනුව ඊයේ සිට යලි පැය 2යි විනාඩි 20 කාලයක් විදුලිය කප්පාදු කෙරුණා. අද දිනයේද එය ක්‍රියාත්මක බවයි ලංකා විදුලිබල මණ්ඩලය නිවේදනය කළේ.

මේ අතර, උසස් පෙළ විභාගය පැවැත්වෙන අතරතුර විදුලි කප්පාදුවක් සිදු නොකරන ලෙස ලංකා විදුලිබල මණ්ඩලයට නියෝගයක් නිකුත් කරන ලෙස ඉල්ලා මහජන උපයෝගිතා කොමිසම ඊයේ අභියාචනාධිකරණයට පෙත්සමක් ඉදිරිපත් කළා.

එසේම, විභාගය පැවැත්වෙන අවස්ථාවේ විදුලිය කප්පාදු කිරිම වැළැක්වීමේ නියෝගයක් ලංකා විදුලිබල මණ්ඩලය ඇතුළු ආයතන වෙත නිකුත් කරන ලෙස ඉල්ලා ලංකා ගුරු සංගමයද ශ්‍රේෂ්ඨාධිකරණයට පෙත්සමක් ඉදිරිපත් කර තිබෙනවා.

Leave a comment
User Icon
Your email address and phone will not be published. Required fields are marked with *
0 Comments

Action Required