.png)
නව බදු ප්රතිපත්ති ප්‍රමිතීන්වලට අනුකූලයි – IMF.
ශ්රී ලංකාවේ බදු ප‍්‍රතිපත්තිය ප‍්‍රතිව්‍යුහගත කිරීම අත්‍යවශ්‍ය කරුණක් බව ජාත්‍යන්තර මූල්‍ය අරමුදලේ මෙරට කාර්යාලය පවසනවා. කෙසේ වෙතත් එය ක‍්‍රියාවට නැංවීමේදී දුගී ජනතාව සහ ආර්ථික අර්බුදයෙන් පීඩාවට ලක්වූ පිරිස් ආරක්ෂා විය යුතු බවයි ජාත්‍යන්තර මූල්‍ය අරමුදල පෙන්වා දෙන්නේ.
එම අරමුදලේ ශ්රී ලංකාව පිළිබඳ ජ්‍යෙෂ්ඨ දූත මණ්ඩල ප‍්‍රධානී පීටර් බෲවර් පෙන්වා දෙන්නේ නව බදු ප්රතිපත්ති ක‍්‍රියාවට නැංවීම හරහා ණය හිමියන්ගේ විශ්වාසය නැවතත් ළඟාකර ගැනීමට හැකි වනු ඇති බවයි.
ශ්රී ලංකාව තුළ මෑතකදී ක‍්‍රියාවට නංවා ඇති නව බදු ප්රතිපත්ති ජාත්‍යන්තර මූල්‍ය අරමුදල අපේක්ෂා කරන ප‍්‍රමිතිවලට අනුකූල බවද ජාත්‍යන්තර මූල්‍ය අරමුදලේ මෙරට ජ්‍යෙෂ්ඨ දූත මණ්ඩල ප‍්‍රධානියා සඳහන් කළා.
මේ අතර, ආර්ථික අර්බුදයෙන් පෙළෙන රටවල ණය ප‍්‍රතිව්‍යුහගතකරණයට සහය දක්වන්නැයි චීන විදේශ අමාත්‍ය ක්වින්ග් ගෑන්, ජී 20 රටවලින් සහ මූල්‍යයම ආයතනවලින් ඉල්ලීමක් කරනවා. සිය රටට පමණක් ණය ප‍්‍රතිව්‍යුහගතකරණය සම්බන්ධයෙන් වගකීම් දැරිය නොහැකි බැවින් අනෙකුත් බලවත් රටවල්ද ඒ සඳහා මැදිහත් වන ලෙසයි ඔහු ඉල්ලා ඇත්තේ.
