පාර්ලිමේන්තු භෝජනාගාරයේ ආහාර මිල ගනන් ඉහළ නංවා තිබෙනවා.

ඒ පාර්ලිමේන්තු ගෘහ කාරක සභාව රැස්වී ගත් තීරණයකට අනුවයි.

පාර්ලිමේන්තු මන්ත‍්‍රීවරයෙකුට දිවා ආහාර වේලක් මේ වනවිට ලබා දෙන්නේ රුපියල් 200 ක මිලකටයි.

එය රුපියල් 100 කින් ඉහළ නංවා ඇති අතර ඒ අනුව මන්ත‍්‍රීවරයෙකුගේ ආහාර වේලක නව මිල රුපියල් 300 ක්.

එමෙන්ම පාර්ලිමේන්තු මාධ්‍යවේදියෙකුට ලබා දෙන ආහාරවේලක මිල රුපියල් 100 ක් වන අතර එයද රුපියල් 50 කින් වැඩිකර තිබෙනවා.

ඒ අනුව එහි නව මිල රුපියල් 150 ක්.

පාර්ලිමේන්තු කාර්ය මණ්ඩලයේ ආහාර මිල ගණන්ද පසුගියදා ඉහල නංවනු ලැබුවා.

ඒ අනුව මාසික ආහාර වියදම වෙනුවෙන් සාමාන්‍ය සේවකයකුගේ වැටුපෙන් රුපියල් 750 ක පමණ මුදලක් අයකර ගනු ලැබූ අතර එය රුපියල් 1500 ක් දක්වා වැඩිකෙරුණා.

විධායක ශ්‍රේණියේ නිලධාරියෙකුගේ මාසික අයකිරීමද රුපියල් 2500 ක් දක්වා ඉහළ නංවනු ලැබූ බවයි පාර්ලිමේන්තු ආරංචි මාර්ග සඳහන් කළේ.