ජනාධිපති රනිල් වික‍්‍රමසිංහ සංචාරයක් සඳහා අද අලූයම ජපානය බලා දිවයිනෙන් පිටත්ව ගියා.

අළුයම 12යි 20ට සිංගප්පූරු ගුවන් සේවයේ එස්. කිව් 469 දරණ යානයෙන් ජනාධිපතිවරයා ඇතුළු දූත පිරිස සිංගප්පූරුව බලා පිටත්ව ගොස් ඉන් අනතුරුව ජපානයේ ටෝකියෝ ජාත්‍යන්තර ගුවන් තොටපළ දක්වා ගමන් කිරීමටයි නියමිතව ඇත්තේ.

ජනාධිපතිවරයා සමඟ 15 දෙනකුගේ සමන්විත කණ්ඩායමක් මෙම සංචාරයට එක්ව සිටිනවා.

ජනාධිපතිවරයාගේ මෙම සංචාරය අතරතුර පසුගියදා වෙඩි ප‍්‍රහාරයකට ලක්ව මියගිය ජපානයේ හිටපු අග‍්‍රාමාත්‍ය ෂින්සෝ අබේගේ අවමංගල්‍යය උත්සවයට සහභාගි වීමටද  නියමිතයි.

ජනාධිපති රනිල් වික‍්‍රමසිංහ සිය සංචාරය අතරතුර ජපාන අග‍්‍රාමාත්‍ය ෆුමියෝ කිෂිඩා, එරට විදේශ අමාත්‍යවරයා මෙන්ම මුදල් අමාත්‍යවරයා ඇතුළු ජපාන රජයේ ඉහළ පෙළේ නිලධාරීන් හමුවීමට නියමිත අතර එහිදී ණය ප‍්‍රතිව්‍යුහගත කිරීම පිළිබඳ වැඩි අවධානයක් යොමුකෙරෙනු ඇති.

විශේෂයෙන් චීනය සහ ඉන්දියාව ඇතුළු ප‍්‍රධාන ණය සැපයුම්කරුවන් සමග ණය ප‍්‍රතිව්‍යූහගත කිරීමේ සාකච්ඡුාවලට අදාළව අවශ්‍ය සම්බන්ධීකරණ කටයුතු සිදුකරන්නැයි ජනාධිපතිවරයා විසින් ජපානයට ආරධනා කරනු ඇතැයි මීට පෙර රොයිටර් පුවත් සේවය වාර්තා කළා.

එමෙන්ම ජපාන සංචාරයෙන් අනතුරුව ජනාධිපති රනිල් වික‍්‍රමසිංහ ආසියානු සංවර්ධන බැංකු අධිපතිවරුන්ගේ රැස්වීමේ මුලසුන හෙබවීම සඳහා අනිද්දා පිලිපීනයේ සංචාරයකට එක්වීමටද නියමිතයි.

එහිදී ජනාධිපතිවරයා පිලිපීන ජනාධිපතිවරයා, ආසියානු සංවර්ධන බැංකුවේ සභාපති සත්සුගු අසකාවා සමඟද සාකච්ඡා පැවැත්වීමට සැළසුම්කර ඇති බවයි ජනාධිපති මාධ්‍ය අංශය නිවේදනය කළේ.