කතාකරන පින්තූරයක්. මම නිවැරදී නේද?
ඔව්, ඇත්තටම එය අපිට කතාවක් කියනවා. අපි නොසිතන අපි නොදකින කතාවක්. ඇතැම් විටක තනි තනිව දකින නමුත් මනසට එන්නත් නොකරන පණිවිඩයක්. අහෝ. කලතුරකින් සිද්ධි ත්‍රිත්වයක් එකම කැමරා ඇසක.
එක අතකින් පූජනීය ස්ථානයකි. තරුණ වියේ පෙම්වතුන් දෙදෙනෙක්, මැදිවියේ අඹු සැමි යුවලක්, තරමක් මහලු වියැති කාන්තාවක් යන වයස් මට්ටම් තුනක් අහබු ලෙස එක් ඡායාරූපයක. තරුණ පෙම්වතුන් දෙදෙනා ආදරයේ ප්‍රාර්ථනාව තුල පිහිට පතා පැමිණෙයි. විවාහය සමග මැදිවිය වියද පසුකරන අඹු සැමි යුවල ජීවිතයෙ ඉදිර තකා පිනෙහි යෙදේ. මෙම සියලු අවඩි පසුකර දෛවයේ නියත තීන්දුවෙන් තනි ජීවිතයට එලබිමට සිදු වූ මහලු කාන්තාවක්ද මෙම ඡායා රුවේ දක්නට ඇත.

දෛවය අපට පසු කිරීමට ලබාදෙන අවධි විවිධාකාරය. එවා එකිනෙකා විදින ආකාරයාද විවිධය. නමුදු ජිවිතය විදිය යුතු ආකාරයක් සහ එයට නිසි අවදි ඇත. මිනිසාගෙ ජිවිතය අවදියෙන් අවදියට පසු වන අකාරය හා ඒ සියලුම අවදියන්හිදී ආගමට නැබුරු වන අවස්ථාව එක් ඡායාරූපයක ගැබ්ව පැවතීම අතිශයෙන්ම දුර්ලභ ය.

මෙය කැමරා කාචයට අසුකරගත් පුද්ගලයා කවරෙකු වුවද ඔහු තුල සමාජ ස්ථර ජීවිතයේ ගෙවීමට සිදුවන මට්ටම් පුළුල් අවබෝදයක් ඇති පුද්ගලයෙකු විය යුතුමය. මා එසේ පවසන්නේ මෙවැනි සිදුවීම සෑම පුද්ගලයෙකුව අවදානයෙන් නොබලන නිසාය.

ඡායාරූපකරනයට අවශ්‍යම සුදුසුකමක් වන මෙය, තම ඇසින් දැක තවත් ඇසක් හරහා මනසට යම් පනිවිඩයක් ගෙන යෑමට ඇති හැකියාව පුදුමාකාරය.

බැලූ බැල්මට මෙය ඉතා උසස් ගණයෙ සැලසුම් සහගත කෝණයකින් ලබාගත් ඡයාරූපක් නොවුනද ජීවිතයේ එක් මට්ටමට යතාර්ථය කියැවෙන තවත් එක් ඡායා විචාරයකි.

නෙත්මිණි ගුණවර්ධන