අද මම ලියන්නේ අධ්‍යාපනයට පහසු කරනවන මෘදුකාංග කිහිපයක් පිළිබඳවයි. වර්තමානයේ පාසල් අධ්‍යාපන , උසස් අධ්‍යාපනට හදාරන සිසුන් වැඩිපුරම මුහුණ දෙන ගැටලුවක් තමයි ස්මාර්ට් ජංගම දුරකථනයට අනවශ්‍ය ලෙස ඇබ්බැහි වී සිටීම. විශේෂයෙන්ම කොවිඩ් – 19 සමයෙන් පසුව ෆේස්බුක් , වට්සැප් වැනි සමාජ මාධ්‍ය භාවිතා කිරීම සිසුන් අතර ජනප්‍රිය වන්නට විය.

එකල මෙහි යහපත් පැතිකඩක් තිබු නමුදු වර්තමානය වන විට අනවශ්‍ය ලෙස මෙම සමාජ මාධ්‍ය කෙරෙහි ඇබ්බැහි වීම සමාජ ගැටලුවක් ව පවතී. එම ගැටලුව නිසා පාසල් යන වයසේ පසුවන දරුවන් පාසල් නිල ඇදුම භාවිතා කරමින් වුවද ටික් ටොක්, යූ ටියුබ් ආදී සමාජ මාධ්‍යන්හි ජනප්‍රිය වන වීඩියෝ කිරීමට දෙවරක් සිතා බලන්නේ නැත.

නමුත් අධ්‍යාපනික වශයෙන් ස්මාර්ට් උපාංග ප්‍රයෝජනවත් ලෙස භාවිතා කිරීමටද විශාල ඉඩ ප්‍රස්තාවක් ඒ තුළින් ලබා දී තිබේ. විශේෂයෙන්ම මේ පිළිබඳව දැනුවත් භාවයක් නොමැති පිරිසක්ද සිටී.
ප්‍රධාන සමාජ මාධ්‍යක් වන යූ ටියුබ් හරහා ඕනෑම ආකාරයක අධ්‍යාපනයක් හදාරන අයකුට තමන්ගේ අධ්‍යාපන කටයුතු වලට අවශ්‍ය තොරතුරු ලබා ගත හැක. විශේෂයෙන්ම ඉංග්‍රීසී භාෂාව , IT දැනුම ආදිය වර්ධනය කර ගැනීමට යූ ටියුබ් මාධ්‍ය හොදම තෝතැන්නකි.

google translate ඇතුළු එවැනි Translate කටයුතු සිදු කරන මෘදුකාංගයන්ද රාශ්‍රියක් තිබේ. තවද Exam hub, SL education , Dp education වැනි මෘදුකාංග සාමාන්‍ය පෙළ , උසස් පෙළ හදාරන සිසුන්ට තමන්ගේ අධ්‍යාපන කටයුතු සදහා භාවිතා කළ හැක.

එමෙන්ම ෆේස්බුක් වැනි ජනප්‍රිය සමාජ මාධ්‍ය වුවද අමතට දැනුම සොයා ගැනීමට, බෙදා හදා ගැනීමට භාවිතා කළ හැක.
තවද ජංගම දුරකථනයේ විවිධ මෘදුකාංග මගින් පරිගණකය භාවිතයෙන් සිදු කරන ක්‍රියාකාරකම් කර ගැනීමේ පහසුවද පවතී. Office app, email , camscanner, canva එවැනි මෘදුකාංග වලට නිදසුන් කිහිපයක් පමණි.

ඒ අනුව ස්මාර්ට් ජංගම දුරකථනය භාවිතයේදී එය සමාජ මාධ්‍ය භාවිතයට පමණක් සීමා නොකර අධ්‍යාපන කටයුතු සදහාද යම් ආකාරයක ප්‍රයෝජනයක් ලැබෙන ලෙසින් හාවිතා කරන්නේ නම් වඩාත් සුදුසු වේ.

දිල්කි රත්නායක.