පළමුව වරායේ ඇති කිරිපිටි තොගය නිදහස් කර එම තොග සම්බන්ධයෙන්  ඕනෑම පරීක්ෂණයක් සිදු කරන්නැයි කිරිපිටි ආනයනකරුවන්ගේ සංගමය ඉල්ලීමක් කරනවා.

කිරිපිටි කිලෝග‍්‍රෑම් ලක්ෂ 04 ක් පමණ වරායේ රඳවාගෙන ඇති අතර පසුගිය දා එම තොග පරිභෝජනයට නුසුදුසු තත්වයට පත්ව ඇතැයි ආනයනකරුවන් ප‍්‍රකාශ කළා.

පසුව රේගු දෙපාර්තමේන්තුව නිවේදනයක් නිකුත් කරමින් කියා සිටියේ ආනයනය කරන ලද කිරිපිටි කිලෝග‍්‍රෑම් ලක්ෂ 04 ක ප‍්‍රමාණයක් නුසුදුසු තත්වයකට පත්ව ඇති බවට කිරිපිටි ආනයනකරුවන්ගේ සංගමය සිදුකළ ප‍්‍රකාශය ප‍්‍රතික්ෂේප කරන බවයි.

අදාළ සංගමයේ සභාපතිට අයත් ආනයනික කිරිපිටි බහාලූම් 06 ක් පසුගිය 14 වනදා වැඩිදුර විමර්ශන සඳහා රඳවා තබාගත් බවද රේගු දෙපාර්තමේන්තුව සඳහන් කළා.