මහානායක හිමිවරුන් සමඟ සාකච්ඡා කර යම් එකඟතාවයකට පැමිණෙන තෙක් ශ්‍රී ලංකා බෞද්ධ හා පාලි විශ්වවිද්‍යාලය වසා දැමීමට අමාත්‍ය මණ්ඩලය තීරණය කර තිබෙනවා.

නවක වදය මර්ධනය කිරීමේ අරමුණින් ඊයේ පස්වරුවේ සිට දින නියමයක් නොමැතිව විශ්වවිද්‍යාලය වසා දැමීමටයි පාලන අධිකාරිය පසුගිය 15 වනදා තීරණය කරනු ලැබුවේ.

කෙසේ වෙතත් පාලන අධිකාරියේ අසත්‍ය ප‍්‍රචාර වලට රැවටී විශ්වවිද්‍යාලය වසා දමා ඇති බවට එහි මහා ශිෂ්‍ය සංගමයේ සභාපති පූජ්‍ය මිදෙල්ලෑවේ සිරිරතන හිමියන් ඊයේ මාධ්‍ය වෙත අදහස් දක්වමින් ප‍්‍රකාශ කළා.

මේ අතර, නවක වදය සිද්ධියක් සම්බන්ධයෙන් අත්අඩංගුවට ගත් රුහුණු විශ්වවිද්‍යාලයේ සිසුන් 11 දෙනා අද අධිකරණයට ඉදිරිපත් කිරීමට නියමිතයි.