ඉන්දියාව සමග අද ආරම්භ වන තරග තුනකින් යුත් පන්දුවාර විස්ස තරගාවලිය සදහා ශ‍්‍රී ලංකා කණ්ඩායම මුම්බායි හිදි ඊයේ පුහුණුවීම්වල නිරත වුණා.

මුම්බායි වන්කඩේ ක්‍රීඩාංගනයේ පැවත්වෙන පළමු තරගයේදි ශ‍්‍රි ලංකා කණ්ඩායමේ සහ ඉන්දීය කණ්ඩායමේ පිතිකරණ අනුපිලිවෙලේ යම් වෙනස්කම් කිහිපයක්  සිදුවනු ඇති බවයි වාර්තා වන්නේ.

පන්දුවාර විස්ස ලෝක කුසලානයේදි ඉන්දිය කණ්ඩායමේ අංක එක පිතිකරු ලෙස පිටියට පිවිසි විරාට් කෝලි ශ්‍රී ලංකාවට එරෙහි තරගාවලියට නම් නොකිරීම හේතුවෙන් එම ස්ථානයට ක්‍රීඩා කරන්නේ කවුරුන්ද යන්න තවමත් නිශ්චිතව තීරණය කර නැහැ.

එමෙන්ම, ශ‍්‍රී ලංකා කණ්ඩායමට යලි අවිශ්ක ප‍්‍රනාන්දු කැදවා ඇති අතර ආරම්භක පිතිකරු ලෙස ඔහු බොහෝ දුරට ක්‍රීඩා කිරීමට නියමිත බවයි වාර්තා වන්නේ.