යාපනයේ ක‍්‍රියාත්මක වික්ටර් සහ ජෙගන් නැමති කල්ලිවල සාමාජිකයන් අද දහවල් යාපනය – චුන්නාකම් ප‍්‍රදේශයේදී ගැටුමක් ඇති කරගෙන තිබෙනවා. එහිදී ඔවුන් වාහන එකිනෙක ගැටීමට සළස්වා ඇති අතර, අනතුරුව කඩුවලින් එකිනෙකාට පහරදී ඇති බවයි වාර්තා වන්නේ.

දකුණු ඉන්දීය සිනමා පටවල දැක්වෙන ආකාරයෙන් කුඩා ලොරි රථයක්, කුඩා මෝටර් රථයක් සහ යතුරුපැදියක් මෙලෙස එකිනෙක ගැටීමට සළස්වා ඇති අතර, සිද්ධියෙන් තුවාල ලැබූ හතරදෙනකු යාපනය ශික්ෂණ රෝහලට ඇතුළත් කර තිබෙනවා.

මෙම කල්ලි සාමාජිකයන් විසින් යාපනය ප‍්‍රදේශයේ මංකොල්ලකෑම්, පහරදීම් සහ පුද්ගල බියවැද්දවීම් සිදුකරන බවටද තොරතුරු වාර්තා වන අතර, මීට පෙරද අවස්ථා ගණනාවකදී ඔවුන් අතර විවිධ ගැටුම් හටගෙන ඇති බව සඳහන්.