ඉන්දියාවේ නවදිල්ලි අගනුවර වායු දූෂණ මට්ටම් සැලකිල්ලට ගනිමින් බලධාරීන් විසින් එහි සියලුම ප්‍රාථමික පාසල් දින දෙකකට වසා දමා තිබෙනවා.

පළමු වතාවට නගරයේ වාතයේ ගුණාත්මකභාවය ඊයේ දිනයේදී මෙම වකවානුවේ දරුණු මට්ටමට පහත වැටී ඇති අතර, ඉදිරි සති දෙක තුළ එය තවදුරටත් වර්ධනය වනු ඇතැයි ඉන්දීය බලධාරීන් අපේක්ෂා කරනවා.

තත්ත්වය සමාලෝචනය කිරීම සඳහා දිල්ලි පරිසර අමාත්‍යවරයා හදිසි රැස්වීමක් කැඳවා ඇති බවයි වාර්තා වන්නේ.

දිල්ලිය සැලකෙන්නේ ලෝකයේ වඩාත්ම දූෂිත නගරවලින් එකක් ලෙසයි.