ගාල්ල - කොළඹ මහා මාර්ගයට සමීපව ගාල්ල - දඩල්ලේ පිහිටි ඉහළපෙලේ සංචාරක හෝටලයක් අසලදී ඊයේ පස්වරුවේ පි⁣ය පුතු දෙපළකට වෙඩි තබා පළා ගිය පුද්ගලයින් 04 දෙනෙකු අත්අඩංගුවට ගත් බව ගාල්ල කොට්ඨාස අපරාධ විමර්ශන කාර්යංශය පවසනවා. 

මෙලෙස අත්අඩංගුවට ගෙන ඇත්තේ හබරාදුව - හීනටිගල ප්‍රදේශයේ පදිංචි අවුරුදු 25 ත්, 35 ත් අතර වයස්වල පසුවන්නන් බව සඳහන්. 

මෙම වෙඩි තැබීමෙන් එම පිය පුතු දෙපළට කිසිදු හානියක් සිදුව තිබුණේ නැහැ. 

එම පිය පුතු දෙපළ උණවටුන - මැටරඹ ප්‍රදේශයේ පදිංචිකරුවන් වන අතර, පියා දැනට විදේශගතව සිටින සංවිධානාත්මක අපරාධ කල්ලි නායකයෙකුගේ සමීප මිතුරෙකු බවද පරීක්ෂණවලදී අනාවරණය වී තිබෙනවා.