![කොවිඩ් අනිවාර්ය ආදාහන ප්රතිපත්තිය නිසා පීඩාවට පත් මුස්ලිම් ප්රජාවගෙන් සමාව අයැදීමට කැබිනට් යෝජනාවක්](https://www.sannasa.lk/images/adsAndBanners/450x460-DefaultImage.png)
කොරෝනා වසංගතය අතරතුර ශ්රී ලංකාව තුළ බලාත්මක කරන ලද අනිවාර්ය ආදාහන ප්රතිපත්තිය හේතුවෙන් පීඩාවට පත් මුස්ලිම් ප්රජාවගෙන් සමාව අයැදීමට ඉදිරිපත් කෙරුණු කැබිනට් යෝජනාවකට අනුමැතිය ලැබී තිබෙනවා.
අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යතුමා, විදේශ කටයුතු අමාත්යතුමා සහ ජලසම්පාදන සහ වතු යටිතල පහසුකම් සංවර්ධන අමාත්යතුමා ඉදිරිපත් කළ ඒකාබද්ධ යෝජනාවට අමාත්ය මණ්ඩල අනුමැතිය ලැබුණා.
COVID-19 හි සායනික කළමනාකරණය පිළිබඳ සෞඛ්ය අමාත්යාංශය විසින් ප්රකාශයට පත් කරන ලද මාර්ගෝපදේශවල සඳහන් පරිදි, වෛරසයට ගොදුරු වී මියගිය තැනැත්තන්ගේ මෘතදේහ බැහැර කිරීමේ ක්රමවේදය ලෙස ආදාහනය නිර්දේශ කළා.
ඒ අනුව, කොරෝනා වෛරසයට ගොදුරුව මියගිය මුස්ලිම් ජාතිකයින් 276 දෙනෙකුගේ මෘතදේහ ආදාහනය කර ඇති අතර, පසුව 2021 පෙබරවාරි මාසයේදී වෛරසයට ගොදුරුව මියයන එවැනි පුද්ගලයින් සඳහා දැඩි සීමාවන් සහිතව භූමදානය කිරීමට අවසර ලබා දුන්නා.