කඩවත නගරයේ හෝටලයක පැවැති ෆේස්බුක් සාදයකට එක්ව මත්ද්‍රව්‍ය භාවිත කරමින් සිටි තරුණයින් 14 දෙනෙකු අත්අඩංගුවට ගෙන තිබෙනවා.

ගම්පහ, මීගමුව හා ජාඇල සුරාබදු කාර්යාලවලට අනුයුක්ත නිලධාරීන් සිදුකළ ඒකාබද්ධ වැටලීමකදීයි ඔවුන් අත්අඩංගුවට පත්ව ඇත්තේ. 

එම සාදය සඳහා ප්‍රදේශ රැසකින් තරුණයින් හා තරුණියන්ද එක්ව සිටි බව වාර්තා වනවා.

එසේ සාදයට එක් වූ තරුණයන් පිරිසක් හෝටලයේ කාමර වෙන් කර ගෙන කාමර ඇතුළත නීතිවිරෝධී මත්ද්‍රව්‍ය භාවිත කරමින් සිටියදී සුරාබදු නිලධාරින් විසින් අත්අඩංගුවට ගෙන තිබෙනවා.

මෙම තරුණයන් අයිස් හා කොකේන් යන මත්ද්‍රව්‍ය භාවිත කළ බවටයි පසුන කරුණු අනාවරණය වී ඇත්තේ.

මෙම තරුණයින් වයස අවුරුදු 19ත් 30ත් අතර වයස්වල පසුවන්නන්.