ප්‍රවීණ රංගන ශිල්පී ඩබ්ලිව්. ජයසිරි මහතා අභවප්‍රාප්ත ‍වී තිබෙනවා.

මිය යන විට ඔහු 77 වන වියේ පසු වූවා.

ඔහු රංගනයෙන්, සහාය අධ්‍යක්ෂණයෙන් හා ගීත රචනයෙන් මෙරට කලාවට විශාල සේවාවක් ඉටුකළා.

ඔහු පද රචනය කරන ලද ප්‍රථම ගීතය පටිගත වන්නේ 70 දශකයේ මුල් භාගයේ දී.

1973 වසරේ සිට දාහතකින් එකෙක්, දියමන්ති, එයා දැන් ලොකු ළමයෙක්, බඹරු ඇවිත්, සෙලීමා, චිට්ටි අයෝමා ආදී 
සම්මානලාභි චිත්‍රපටවලට ඔහු මුල් කාලීනව දායක වුණා.

එසේම ඊට පසුව සමාජ කතිකාවට කල් වූ කූඹියෝ, රන්දම්වැල් ආදී ටෙලි නාට්‍යවලටත් දායකත්වය ලබා දී තිබෙනවා.