2024 මහ මැතිවරණයට අදාළව නාමයෝජනා භාර ගැනීම අද ආරම්භ කෙරුණා.

ඒ අනුව මැතිවරණ කොට්ඨාස විසි දෙකට අයත් දිස්ත්‍රික් ලේකම් කාර්යාලවලදී එම කටයුතු සිදු කෙරුණු බවයි අප වාර්තාකරුවන් සඳහන් කළේ.

අද ඇරඹි නාමයෝජනා භාරගැනීම ඔක්තෝබර් 11 වැනිදා දහවල් 12ට අවසන් වීමට නියමිතයි.

මහ මැතිවරණයට අදාළව නිල ඡන්ද දැන්වීම් පත්‍රිකා බෙදාහැරීම ඔක්තෝබර් 27 වැනිදා සිදු කෙරෙනවා.

2024 මහ මැතිවරණය නොවැම්බර් මස 14 වනදා පැවැත්වීමටයි සැලසුම් කර ඇත්තේ.