2024 මහ මැතිවරණය සඳහා එක්සත් ජනරජ පෙරමුණ ඉදිරිපත් නොවන බව එහි නායක පාඨලී චම්පික රණවක මහතා ප්‍රකාශ කළා.

අද මාධ්‍ය හමුවක් පවත්වමින් ඔහු කියා සිටියේ මෙවර මහ මැතිවරණයට සමගි ජන සන්ධානයෙන් තරග කිරීමේ අපේක්ෂාවෙන් කටයුතු කළ බවයි.

එහෙත් නාමයෝජනා ක්‍රියාවලියේදී ඇති වූ ගැටලු හේතුවෙන් මෙවර මැතිවරණ ව්‍යාපාරයෙන් ඉවත්වීමට තීරණය කළ බව ඔහු එහිදී පෙන්වා දුන්නා.

පාඨලී චම්පික රණවක මහතා 2007 වසරේදී ජාතික ලැයිස්තුව ඔස්සේ පාර්ලිමේන්තුවට පිවිසි අතර, පසුගිය ජනාධිපතිවරණයේදී සමගි ජන බලවේගයේ අපේක්ෂක සජිත් ප්‍රේමදාස මහතාට සහාය පළ කළා.