පාර්ලිමේන්තු මන්ත්‍රී වඩිවේල් සුරේෂ් මහතා මෙවර මහ මැතිවරණයට ඉදිරිපත් වීම සඳහා ජනප්‍රිය නළු, හිටපු පාර්ලිමේන්තු මන්ත්‍රී රංජන් රාමනායක මහතාගේ නායකත්වයෙන් ආරම්භ කළ එක්සත් ප්‍රඡාතන්ත්‍රවාදී හඬ පක්ෂයට එක්ව තිබෙනවා.

ඒ අනුව, වතුකරයේ සිය ඡන්ද ව්‍යාපාරය ආරම්භ කිරීමට පෙර ඔහු හාලිඇල වත්තේදී සිය පක්ෂ කාර්යාලය ද විවෘත කරනු ලැබුවා.

හින්දු සම්ප්‍රදායට අනුව පූජාවකට වඩිවේල් සුරේෂ් මහතා සහභාගිවී තිබූ අතර එහිදි ජප කළ දිය කළ හතකින් ස්නානය කිරීම ද එක් අංගයක් වී තිබුණා.

ඔහු එක්සත් ප්‍රඡාතන්ත්‍රවාදී හඬ පක්ෂයේ බදුල්ල දිස්ත්‍රික් සංවිධායක ලෙස කටයුතු කරන අතර මෙවර මහමැතිවරණයට බදුල්ල දිස්ත්‍රික්කයෙන් තරඟ වදින කණ්ඩායමේ නායකයා ලෙස ද කටයුතු කරනවා.