මීගමුව, කටුවාපිටිය ශාන්ත සෙබස්තියන් දේවස්ථානයේ ආරක්ෂක රාජකාරියේ නිරතව සිටි හමුදා සෙබළෙක් අද සිය රාජකාරී ගිනි අවියෙන් වෙඩි තබාගෙන ඇතැයි වාර්තා වෙනවා.

සෙබළා රාජකාරී ගිනි අවියෙන් තම උදර ප්‍රදේශයට වෙඩි තබාගෙන ඇති අතර, ඔහුව වහාම මීගමුව රෝහල වෙත ඇතුළත් කිරීමට කටයුතු කර තිබෙනවා.

මෙලෙස වෙඩි තබාගෙන තිබෙන්නේ මීගමුව, බොලවලාන ගුවන් හමුදා කඳවුරට අනුයුක්තව රාජකාරී කළ සෙබළෙක්.

කෙසේ වෙතත්,ඔහුට ජීවිත අවදානමක් නොමැති බවයි මීගමුව රෝහල් ආරංචි මාර්ග සදහන් කරන්නේ.