ජනප්‍රිය සංස්කෘතිය, හෙවත් "Popular Culture" යනු සමාජයක් තුළ බහුතර ජනතාව අතර ආකර්ෂණීය, භාවිතා කිරීමට පහසු, හා වේගයෙන් ප්‍රචලිත වන සංස්කෘතික ක්‍රියාවන්, උපාංග සහ තෝරාගැනීම් එකතුවක් ලෙස සැලකේ. සාම්ප්‍රදායික, සමාජ විද්‍යාත්මක, හා ආර්ථික බලපෑම් මත රැඳී නිර්මාණය වන ජනප්‍රිය සංස්කෘතිය, විශාල වශයෙන් ජනප්‍රිය කලාකරුවන්, සංගීතඥයන්, චිත්‍රපට, විනෝදාස්වාද ක්‍රීඩා, සමාජ මාධ්‍ය හා රූපවාහිනී වැඩසටහන් වැනි මාධ්‍ය තුළින් වේගයෙන් ප්‍රචලිත වන බව දක්වයි. මෙය සමාජයේ විවිධ වයස් කාණ්ඩ, සමාජ පන්තීන් හා සංස්කෘතික පසුබැසීම් ඇති පුද්ගලයින් අතර පැතිරෙයි.

ජනප්‍රිය සංස්කෘතියේ ලක්ෂණ.

ජනප්‍රිය සංස්කෘතියට විශාල වශයෙන් ආර්ථික පද්ධතියේ බලපෑමක් ඇති අතර, විවිධ භාණ්ඩ හා සේවා පාරිභෝගිකයින්ගේ අවශ්‍යතා අනුව විවිධාංගීකරණය කරන ලදී. නිෂ්පාදනයක් නව පාරිභෝගික අත්දැකීමක් හෝ අයිතමයක් ලෙස වෙළඳපොලට නිකුත් කරන විට, එය ජනප්‍රිය සංස්කෘතියට අලුත් අංගයක් එක් කරයි.එමෙන් ම විවිධ මාධ්‍ය හා තාක්ෂණික ප්‍රවර්ධනය ජනප්‍රිය සංස්කෘතිය ප්‍රවර්ධනය කිරීමට හා විකසනය කිරීමට මහත් බලපෑමක් ඇති කරයි. විශේෂයෙන්ම සමාජ මාධ්‍ය, ඩිජිටල් විනෝදාස්වාද හා රූපවාහිනී කාටුන් හා චිත්‍රපට ජනප්‍රිය සංස්කෘතිය ප්‍රවර්ධනය කරයි.

මෙහි ප්‍රධාන අරමුණ විනෝදය වන අතර, විවිධ විනෝදාස්වාද ක්ෂේත්‍රයන්ගෙන් ජනතාවට විනෝදාස්වාදය ලබා දෙයි. සංගීත, චිත්‍රපට, ගේම්, සහ විනෝදාස්වාද කලා මෙයට අයත් වේ.

සමාජ හා සමාජ මාධ්‍ය තුළ ජනප්‍රිය සංස්කෘතිය දැක්ම හා අරුත ලබා ගනී. සමාජ මාධ්‍ය ඔස්සේ කෙටි වීඩියෝ, ට්‍රෙන්ඩ් සහ අභියෝග (Challenges) මඟින් ජනප්‍රිය බවක් හෝ සමාජය තුළ ඩැහැගැනීමක් සිදුවන බව දක්නට ලැබේ.

ජනප්‍රිය සංස්කෘතිය සර්වජනික වේ, එනම් ඒවා සෑම පුද්ගලයකුටම අවශ්‍ය හා ගැළපෙනු ලබයි. සමාජයේ බහුතරය විසින් භාවිතා කරන නිසා, ඒවා වෙළඳාමට හා ප්‍රචාරණයට සුදුසු සහ පහසු වේ.

ජනප්‍රිය සංස්කෘතියේ අන්තර්ගතයන්.

සංගීතය- ජනප්‍රිය සංගීත, වශයෙන් Pop, Rock, Hip-Hop වැනි රටාවන් ජනප්‍රිය සංස්කෘතියේ විශාල කොටසක් කලාත්මක අගයක් එක් කරමින් පවතී. සංගීත වීඩියෝවලින්, සජීවී ප්‍රසංගවලින් සහ සමාජ මාධ්‍ය ඇතුළු විවිධ මාධ්‍ය හරහා ලෝකය පුරා ප්‍රචාරය වේ.

චිත්‍රපට සහ රූපවාහිනී- ජනප්‍රිය චිත්‍රපට හා රූපවාහිනී වැඩසටහන් ජනතාව අතර ප්‍රසිද්ධ වේ. ලෝකය පුරා ප්‍රසිද්ධ චිත්‍රපට, සුපිරි වික්‍රමාන්ත චිත්‍රපට, රූපවාහිනී වැඩසටහන්, සහ සජීවී ක්‍රීඩා වැඩසටහන් ඔස්සේ ජනප්‍රිය සංස්කෘතිය විකාශනය වේ.

ඡායාරූප සහ පාරිභෝගික අයිතම- වර්තමාන ජනප්‍රිය සංස්කෘතියේ සෙයින් භාණ්ඩ, සන්නාමිත අයිතම, විලාසිතා ඇඳුම් ලොව පුරා ජනතාව අතර ජනප්‍රිය වන පරිදි නිර්මාණය වේ.

ජනප්‍රිය සංස්කෘතිය, සමාජය හා පුද්ගලික අධික්ෂේප පද්ධති මත බලපෑමක් ඇති කරයි. එමෙන්ම, ජනප්‍රිය සංස්කෘතිය සමඟ සමාජයේ පුද්ගලයින් විවිධ ගැටුම් වලට මුහුණ දීමට හේතු වේ, යථාර්ථය හා කල්පිත අගයන් අතර පරතරයක් ඇති කරයි.

ශ්‍රී ලංකාවේ ජනප්‍රිය සංස්කෘතිය.

විවිධ ජාත්‍යන්තර සංවිධාන හරහා සහ ලෝකයේ සන්නිවේදන සහ වෙළඳාම් ක්ෂේත්‍රවල සිදු වුණු විශාල ප්‍රවර්ධනය හේතුවෙන් සාම්ප්‍රදායික සංස්කෘතියට විශාල බලපෑමක් ඇති කර ඇත. මෙය සමාජ, සංස්කෘතික, ආර්ථික සහ සන්නිවේදන ක්ෂේත්‍රයන්හි විශාල වෙනස්කම් සිදු කිරීමට හේතු වේ.

ජනප්‍රිය සංස්කෘතියේ ප්‍රවේශය හරහා, ශ්‍රී ලංකාවේ සම්භාව්‍ය සංස්කෘතියට විකල්ප විලාසිතා සහ විනෝද ක්‍රම හදුන්වා දෙන ලදී. විශේෂයෙන්ම, සංගීත, නර්තන, හා විලාසිතා ඇඳුම් මඟින් නැවුම් පරම්පරාව අතර නව සංකල්ප හා අලංකාර විලාසිතා එක් විය. මේ සඳහා විශේෂිත සංගීත රටාවන් (පෝප්,රොක්,හිපොප්) නවීන විලාසිතා ඇඳුම් හා නවතම තාක්ෂණික උපාංග භාවිතය හේතු වී ඇත.

විශේෂයෙන් යෞවන පරම්පරාව සම්බන්ධව, සම්භාව්‍ය සංස්කෘතික අගයන්ට ඇති ආකර්ශණය අවම වීමට හා සම්ප්‍රදායික සමාජ සාධාරණතා සහ ජීවන ක්‍රමවලට ඇති ඇලීම අඩු කිරීමට හේතු විය.

සමාජ මාධ්‍ය හරහා ජනප්‍රිය සංස්කෘතිය ශ්‍රී ලංකාවේ ඉතා වේගයෙන් පැතිරේ. සමාජ මාධ්‍ය ඔස්සේ නව පරම්පරාවන්, විශේෂයෙන් ම යොවුන් පරම්පරාව, බටහිර ජනප්‍රිය සංස්කෘතියේ බලපෑමට ලක් වී, ඔවුන්ගේ සන්නිවේදන, විලාසිතා, හා භාෂාව වෙනස් කර ඇත. මෙය ශ්‍රී ලාංකීය සම්භාව්‍ය භාෂාවන් තුළ ඉංග්‍රීසි වචන පැමිණීම හා අමුතු වචන සහ හෝඩි නිර්මාණය කිරීමෙන් පෙන්නුම් කරයි.

ජනප්‍රිය සංස්කෘතිය සහ බටහිර විලාසිතා භාණ්ඩවලට ඇති ඉල්ලුම නිසා ශ්‍රී ලංකාවේ වෙළඳපොලේ බටහිර තාක්‍ෂණික,විලාසිතා සහ විනෝදාස්වාද භාණ්ඩවල විශාල ආනයන හා විකුණුම් වැඩිවීමක් සිදුවී තිබේ. සමාජ මාධ්‍යවේදය හා උපදේශන ක්ෂේත්‍රවලත් මෙම ජනප්‍රිය සංස්කෘතිය හා සම්බන්ධ අලුත් අවස්ථා ලැබී ඇත. මේ නිසා ආයෝජකයින්ට, වෙළෙන්දන්ට සහ ව්‍යාපාරිකයින්ට නව වෙළඳපොල අවස්ථා හා පාරිභෝගිකයන් හා සම්බන්ධ වීමට පහසු වී ඇත.

ජනප්‍රිය චිත්‍රපට,රූපවාහිනී වැඩසටහන් හා සංගීතය, ශ්‍රී ලාංකික ජනතාවට පමණක් නොව, ලෝකයේ විවිධ සංස්කෘතික කලා කේන්ද්‍රයන් හරහා පැතිරී ඇත. මේවා ඔස්සේ බටහිර පාරිභෝගික විනෝදාස්වාද ක්‍රමයන් පවතී. මීට අමතරව, නව පරම්පරාවේ බොහෝ දෙනා විනෝදාස්වාද ක්‍රමයන්, ඩිජිටල් සමාජ මාධ්‍ය අංග හා ජංගම ක්‍රීඩාවලට ගැලපෙන ලෙස වෙනස් වී ඇත.

අන්තර්ජාලය හා සමාජ මාධ්‍ය තුළින් ශ්‍රී ලංකාවට ජනප්‍රිය සංස්කෘතිය හුදු රටක් තුළම නොව, ලෝකයේ විවිධ ප්‍රදේශවලට ඉක්මනින් පැතිර යාමට ඉඩ සලසයි.නමුත් බටහිර ජනප්‍රිය සංස්කෘතියේ මූලික හැසිරීම් සහ විලාසිතා ඉක්මනින් ශ්‍රී ලංකාව තුළ පැතිර යාමක් පෙන්වයි.

ශ්‍රී ලංකාවට ජනප්‍රිය සංස්කෘතියේ බලපෑම සාමාන්‍යයෙන් විලාසිතා, භාෂාව, විනෝද,ආහාර හා සන්නිවේදන ක්ෂේත්‍රවල ප්‍රධාන පරිසරයක් ඇති කර තිබේ. එය එක් අතකින් ජාත්‍යන්තර සංස්කෘතික මිශ්‍රතාවයකට දායක වන නමුත් ශ්‍රී ලංකාවේ සම්භාව්‍ය අගයන් සහ සංස්කෘතික අංගවල අගය වෙනස්කම් වලට ලක් වීමට හේතු වී ඇත.

තිසාරා රාජපක්ෂ.