සමානාත්මතාව, අන්‍යෝන්‍ය ප්‍රතිලාභ සහ දෙපාර්ශ්වයටම ඵලදායී ප්‍රතිඵල යන මූලධර්මවලට අනුකූලව ශ්‍රී ලංකාව හා චීනය අතර විස්තීර්ණ නිදහස් වෙළෙඳ ගිවිසුමක් කඩිනමින් අවසන් කිරීම සඳහා දෙපාර්ශ්වය එකඟ වී තිබෙනවා.

ජනාධිපති අනුර කුමාර දිසානායක මහතා සිදුකරන චීන රාජ්‍ය සංචාරය පිළිබඳ අද නිවේදනය කළ ඒකාබද්ධ ප්‍රකාශයේ මේ බව සඳහන්.

ආර්ථිකයේ සහ වෙළෙඳාමේ ද්විපාර්ශ්වික සහයෝගිතාවන්හි ප්‍රගතිය පිළිබඳව රටවල් දෙකම සෑහීමකට පත්ව සිටින බවද එහි දැක්වෙනවා.

ඒ අනුව චීන ආනයනකරුවන්ගේ සහ අපනයනකරුවන්ගේ අදාළ සංගම් සමග සබඳතා ඇති කර ගැනීමේදී මෙරට තේ, මැණික් සහ අනෙකුත් කර්මාන්තවල ශ්‍රී ලාංකික ව්‍යවසායන්ට අඛණ්ඩව සහයවීමට චීනය සිය එකඟතව පළකර තිබෙනවා.