මස්කෙළිය පොලිස් වසමට අයත් මාඋස්සාකැලේ වත්තේ වතු නිවාස පෙලක ඊයේ දින රාත්‍රි 11.30 පමණ හටගත් ගින්නකින් නිවාස 8ක් සම්පූර්ණයෙන් ම ගිනිගෙන විනාශ වී ඇති බව මස්කෙළිය පොලීසිය ප්‍රකාශ කර සිටියා.

නිවාස 12 කින් සමන්විත එම නිවාස පේළියේ පැතිර යමින් තිබූ ගින්න පාලනය කිරීමට වතු කම්කරුවන්, පොලිස් නිලධාරින් සහ මාඋස්‍සාකැලේ යුධ හමුදා කඳවුරේ භට පිරිස් ද සමත් වී තිබෙනවා.

ගින්නෙන් කිසිවෙකුටත් තුවාල සිදු ව නොමැති වුවත්, විනාශ වූ නිවාසවල පදිංචිකරුවන්ගේ පෞද්ගලික බඩු බාහිරාදිය සමිපූර්ණයෙන් ම විනාශ වී ඇති බවයි වාර්තා වන්නේ.

ගින්නෙන් සිදු වූ අලාභය මෙතෙක් තක්සේරු කර නැහැ.

විදුලි කාන්දුවක් හේතුවෙන් මෙම ගින්න හටගන්නට ඇති බව පරීක්ෂණ සිදුකරන මස්කෙළිය පොලීසිය සැක කරයි.  

ගි⁣න්නේ අවතැන් වූ පවුල් 8කට අයත් සමාජිකයන් 21 දෙනෙක් ආරක්‍ෂිත ස්ථානයක තාවකාලිකව නතර කිරිමට  එම වතුයායේ පාලන අධිකාරිය පියවර ගෙන ඇත.