ගාල්ල බන්ධනාගාරයේ රැඳවියන් දෙපිරිසක් අතර අද පස්වරුවේ ගැටුමක් හටගෙන තිබෙනවා. 

එහිදී තුවාල ලැබූ රැඳවියන් සිව්දෙනෙකු මේ වනවිට ප්‍රතිකාර සඳහා ගාල්ල ජාතික රෝහලට ඇතුළත් කර ඇති බව සඳහන්.

මේ සම්බන්ධයෙන් කළ විමසීමකදී බන්ධනාගාර මාධ්‍ය ප්‍රකාශක ගාමිණී බී දිසානායක මහතා කියා සිටියේ, රැඳවියන් දෙපිරිසක් අතර ඇති වූ බහින්බස්වීමක් දුරදිග යාමෙන් මෙම ගැටුම හටගෙන ඇති බවයි. 

තත්ත්වය පාලනය කිරීම සඳහා පොලිස් විශේෂ කාර්ය බලකාය හා පොලීසිය කැඳවනු ලැබුවා.