ශ්‍රී ලංකාවේ සැලසුම් කර ඇති ඩොලර් බිලියන 1ක සුළං බලශක්ති ව්‍යාපෘතියෙන් ඉවත් වීමට අදානි ග්‍රීන් එනර්ජි සමාගම තීරණය කර තිබෙනවා.

ව්‍යාපෘතිය ආරම්භයට අවශ්‍ය බොහෝ අනුමැතීන් මේ වනවිට ලබා ගෙන ඇතත්, මෙතෙක් නොවිසඳුණු පාරිසරික නිෂ්කාෂණයන් හා දැනට පවතින ශ්‍රේෂ්ඨාධිකරණ නඩු කටයුතු ඇතුළු විවිධ ප්‍රමාදයන් උපුටා දක්වමින් මේ දක්වා මෙම ව්‍යාපෘතිය ක්‍රියාවට නංවා නැහැ.

අදානි ග්‍රීන් එනර්ජි සමාගම මේ පිළිබඳව මේ වනවිට ශ්‍රී ලංකා ආයෝජන මණ්ඩලය වෙත දැනුම් දී ඇති අතර මෙය "ගෞරවාන්විත ලෙස ඉවත්වීමක්" බවත් ශ්‍රී ලංකාවේ ඉදිරි අනාගත ව්‍යාපෘති වෙනුවෙන් තම සමාගම විවෘත බවත් තවදුරටත් ප්‍රකාශ කර තිබෙනවා.