මිද්දෙණිය ත්‍රිත්ව ඝාතනයේ වෙඩික්කරු බවට සැකකෙරෙන පුද්ගලයෙකු පොලීසිය අත්අඩංගුවට ගෙන තිබෙනවා.

මිද්දෙණිය - කඩේවත්ත හන්දිය අසලදී පසුගිය පෙබරවාරි 18 වනදා රාත්‍රියේ සිදුකළ වෙඩි තැබීමකින් එකම පවුලේ පියා, පුතා සහ දියණිය ජීවිතක්ෂයට පත්වුණා.

යතුරුපැදියකින් ගමන් කරමින් සිටි මෙම පිරිසට නාඳුනන පුද්ගලයින් පිරිසක් මෙලෙස වෙඩි තබා තිබූ අතර, එහිදී යතුරුපැදියේ ගමන්කළ 39 හැවිරිදි අරුණ විදානගමගේ හෙවත් "කජ්ජා" එම ස්ථානයේදීම ඝාතනයට ලක්වුණා.

මෙම වෙඩි ප්‍රහාරයට ලක්ව, 06 හැවිරිදි කුඩා දියණිය සහ 09 හැවිරිදි පුත්‍රයා ද බරපතළ තුවාල ලබා තංගල්ල මූලික රෝහලට ඇතුළත් කිරීමෙන් අනතුරුව මියගියා.

ඊට අදාළව අද අත්අඩංගුවට ගනු ලැබූ සැකකරුද සමඟ මේ දක්වා සැකකරුවන් 08 දෙනෙකු අත්අඩංගුවට ගෙන ඇති අතර, ඒ සම්බන්ධයෙන් මිද්දෙණිය පොලීසිය හා තංගල්ල කොට්ඨාස අපරාධ විමර්ශන කාර්යංශය වැඩිදුර විමර්ශන සිදු කරනවා.