සෞඛ්‍ය වෘත්තීයවේදීන්ගේ සම්මේලනය හෙට පැවැත්වීමට සැලසුම් කර තිබූ පැය 24ක සංකේත වර්ජනය තාවකාලිකව අත්හිටුවීමට තීරණය කර තිබෙනවා.

අයවැය යෝජනා හරහා සෞඛ්‍ය ක්ෂේත්‍රයේ දීමනා කප්පාදුව සිය වෘත්තියටද බලපාන බවට චෝදනා කරමින් ඔවුන් මෙම වෘත්තිය ක්‍රියාමාර්ගය දියත් කරන බව ප්‍රකාශ කළා.

ඒ අනුව අතිකාල දීමනා සහ නිවාඩු දින දීමනා පෙර පැවති අගයන්ගෙන්ම ලබාදෙන ලෙසයි ඔවුන් ඉල්ලා සිටියේ.  

කෙසේ වෙතත්, අද පස්වරුවේ සෞඛ්‍ය අමාත්‍ය නලින්ද ජයතිස්ස මහතා සමග එම අමාත්‍යාංශයේ පැවති සාකච්ඡාවෙන් අනතුරුව ඔවුන් වෘත්තිය ක්‍රියාමාර්ගය තාවකාලිකව අත්හිටුවීමට තීරණය කළා. 

ඊට අමතරව රජයේ හෙද නිලධාරීන්ගේ සංගමයද හෙට උදෑසන දහයේ සිට පැය තුනක් සිදුකීරීමට නියමිතව තිබූ වර්ජනයද සෞඛ්‍ය අමාත්‍ය නලින්ද ජයතිස්ස මහතා සමග පැවති සාකච්ඡාවකින් අනතුරුව අත්හිටවනු ලැබුවා.