රජයේ වෛද්‍ය නිලධාරීන්ගේ සංගමය විසින් අද දීප ව්‍යාප්ත වර්ජනයක් ප්‍රකාශයට පත්කර තිබෙනවා.

ඒ, ඊයේ අනුරාධපුර ශික්ෂණ රෝහල තුළ රාජකාරියේ නිරතව සිටි වෛද්‍යවරියක දූෂණයට ලක්වීමේ සිද්ධියට විරෝධතාවට පළකරමින්.

ඒ අනුව අද උදෑසන 08 සිට ආරම්භ වන පරිදි එක්දින සංකේත වර්ජනයක් ඔවුන් විසින් ප්‍රකාශයට පත් කර තිබෙනවා.

ඔවුන් පැවසුවේ වර්ජනය සිදු කලද හදිසි ප්‍රතිකාර සේවා කිසිලෙසකින් හෝ අඩාල නොවන පරිදි අඛණ්ඩව සිදුකිරීමට අවශ්‍ය පියවර ගෙන ඇති බවයි.