ගිනිඅවියක් සන්තකයේ තබාගැනීම සම්බන්ධයෙන් අත්අඩංගුවට ගත් ප්‍රසිද්ධ රැප් ගායක "ශාන් පුතා" ඇතුළු සැකකරුවන්  තුන්දෙනා මාතර මහේස්ත්‍රාත්වරයාගේ නිල නිවසට ඉදිරිපත් කිරිමෙන් පසුව දින 07ක රැදවුම් නියෝග ලබාගෙන තිබෙනවා.

ශාන් පුතා නැමැත්තා මිලිමීටර 9 වර්ගයේ ගිනිඅවියක් සමග හෝමාගම පොලීසිය ඊයේ අත්අඩංගුවට ගත් අතර, පසුව ඔහුට ගිනිඅවිය ලබාදුන් බව කියන මන්නාරම පොලීසියට අනුයුක්තව සිටි පොලිස් කොස්තාපල්වරයෙක් හා ශාන් පුතා නැමැත්තාගේ කළමනාකරු අත්අඩංගුවට ගනු ලැබුවා. 

අදාළ පොලිස් කොස්තාපල්වරයා මාතර - කොටුවිල පොලිස් ස්ථානයෙන් අදාළ ගිනිඅවිය සොරාගෙන විත් රැප් ගායකයාට ලබාදී ඇති බව මූලික පොලිස් පරීක්ෂණවලදී අනාවරණය වී තිබෙනවා. 

ඊයේ රාත්‍රී 10ට පමණ සැකකරුවන් මාතර මහේස්ත්‍රාත්වරයා හමුවට ඉදිරිපත් කළා.