ජාතික‍ ජන බලවේග ආණ්ඩුවේ මංගල අයවැය පාර්ලිමේන්තුවේදී වැඩි ඡන්දයෙන් සම්මත වුණා. 

ජනාධිපතිවරයා විසින් මුදල් අමාත්‍යවරයා ලෙස ඉදිරිපත් කළ ‍2025 අයවැය තෙවන වර කියවීමේ ඡන්ද විමසීම අද පස්වරුවේ පැවති අතර, එහිදී අයවැයට පක්ෂව ඡන්ද 159ක් ලැබුණා. 

අයවැයට විරුද්ධව හිමිවූයේ ඡන්ද 45ක් පමණයි. 

ඒ අනුව වැඩි ඡන්ද  114කින් අයවැය තෙවන වර කියවීම සම්මත වුණා. 

2025 වසර සඳහා වන විසර්ජන පනත් කෙටුම්පත දෙවන වර කියවීම මුදල් අමාත්‍යවරයා ලෙස ජනාධිපති අනුර කුමාර දිසානායක මහතා විසින් පෙබරවාරි 17 වැනිදා පාර්ලිමේන්තුවට ඉදිරිපත් කරනු ලැබුවා. 

ඒ අනුව දින 07 කාලයක් විසර්ජන පනත් කෙටුම්පත දෙවන වර කියවීමේ විවාදය පැවති අතර පෙබරවාරි 25වන දින දෙවන වර කියවීමේ ඡන්ද විමසීම පැවැත්වුණා.‍

එහිදි අයවැය දෙවන වර කියවීම වැඩි ඡන්ද 109කින් සම්මත වූ අතර අයවැයට පක්ෂව ඡන්ද 155ක් ලැබුණු අතර විපක්ෂව ලැබුණේ ඡන්ද 46 පමණයි.