ශ්‍රී ලංකා ගුවන් හමුදාවට අයත් පුහුණු ජෙට් යානයක් කඩාවැටීමෙන් සිදු වූ අනතුර පිළිබඳ විමර්ශනය කිරීම සඳහා ගුවන් හමුදාපතිවරයා විසින් විශේෂ පරික්ෂණ කමිටුවක් පත්කර තිබෙනවා.

ගුවන් හමුදාපති එයාර් මාර්ෂල් බන්දු එදිරිසිංහ විසින් ඒ සඳහා සත්පුද්ගල විශේෂ පරික්ෂණ කමිටුවක් පත්කළ බවයි ගුවන් හමුදාව පවසන්නේ. 

ගුවන් හමුදාවේ කටුනායක මුලික කඳවුරේ පිහිටි ගුවන් හමුදා අංක 05 ප්‍රහාරක බලඝණයට අනියුක්ත කරඇති ගුවන් නියමුවන්ගේ උසස් පුහුණුවීම් සඳහා යොදාගනු ලබන K-8 වර්ගයේ ගුවන් යානයක් අද පෙරවරුවේ පුහුණුවීමක් අතරතුර වාරියපොල  - පාදෙණිය ප්‍රදේශයේදි හදිසි අනතුරකට ලක්වුණා. 

එහිදී යානයේ සිටි ගුවන් නියමු නිලධාරීන්දෙ දෙනා ගුවන් යානයෙන් ආරක්ෂිතව ඉවත්ව කුරුණෑගල - පාදෙණිය - මිනුවන්ගැටේ විද්‍යාලය පරිශ්‍රයට පැරිෂුට් ආධාරයෙන් ගොඩබසිනු ලැබුවා. 

මෙම ගුවන් යානයේ ප්‍රධාන පුහුණු උපදේශක ගුවන් නියමුවරයා හා පුහුණු ගුවන් නියමු නිලධාරීයා ගමන් කර ඇති අතර, ඔවුන් මේ වනවිට කුරුණෑගල රෝහලට ඇතුළත්ඇ කර තිබෙනවා. 

මෙම ගුවන් යානය ගුවන් හමුදා කටුනායක මුලික කඳවුරෙන් පෙ.ව. 7.27ට පමණ ගුවන්ගත වී ඇති බවත් පෙ.ව. 7.55ට පමණ මෙම අනතුර සිදුවී ඇති බවත් ගුවන් හමුදාව පවසනවා.