බංග්ලාදේශ ක්‍රිකට් කණ්ඩායමේ හිටපු එක්දින ක්‍රිකට් නායක තමීම් ඉක්බාල් හදිසියේ රෝහල් ගත කර තිබෙනවා.

ඩකා ප්‍රිමියර් ලීග් ක්‍රිකට් තරගාවලියේ අද පැවති තරගයක් අතරතුර ඔහු මෙලෙස රෝහල් ගත කර ඇත්තේ, හෘදයාබාධයක් හේතුවෙන්.

ඔහු රෝහල් ගත කිරීමෙන් අනතුරුව හදිසි සැත්කමකටද භාජනය කර ඇති බව විදෙස් මාධ්‍ය වාර්තා කරනවා.

ඔහුගේ රෝගි තත්ත්වය බරපතළ බවද ඇතැම් මාධ්‍ය වාර්තා කර තිබුණා. 

36 හැවිරිදි තමීම් ඉක්බාල් 2025 වසරේ ජනවාරි මාසයේදී ජාත්‍යන්තර ක්‍රිකට් පිටියෙන් සමුගත්තා.