/
/
title icon
ජනතාවට ගුණාත්මක ආහාර වේලක් දෙන්න ආණ්ඩුවෙන් ආපනශාලා
ජනතාවට ගුණාත්මක ආහාර වේලක් දෙන්න ආණ්ඩුවෙන් ආපනශාලා
Editor
6 days ago
Share:
ජනතාවට ගුණාත්මක ආහාර වේලක් දෙන්න ආණ්ඩුවෙන් ආපනශාලා

ජනතාවට ගුණාත්මක හා ප්‍රමාණවත් ආහාරවේලක් සාධාරණ මිලට ලබාගැනීමේ අවස්ථාව සලසාදීම සඳහා දිවයින පුරා නව ආපනශාලා ස්ථාපිත කිරීමේ වැඩසටහනක් ක්‍රියාත්මක කිරීමට රජය සැලසුම්කර තිබෙනවා.

ජාතික ආහාර ප්‍රවර්ධන මණ්ඩලය, සෞඛ්‍ය අමාත්‍යාංශය හා කෘෂිකර්ම අමාත්‍යාංශය එක්වී දැනට ආපනශාලා පවත්වාගෙන යන ව්‍යාපාරිකයන්ගේද සහාය ලබාගනිමින් මෙම වැඩපිළිවෙළ ක්‍රියාත්මක කිරීමට නියමිත බවයි ජනාධිපති මාධ්‍ය අංශය නිවේදනය කළේ. 

ඒ අනුව එහි පළමු ආදර්ශ ආපන ශාලාව අප්‍රේල් 01 වැනිදා නාරාහේන්පිටදී විවෘත කෙරෙනු ඇති. 

මේ අතර, දැනට පවත්වාගෙන යන ආපනශාලාවල ප්‍රමිතිය ඉහළ නැංවීමේ වැඩසටහනක් මෙහි දෙවන අදියර ලෙස ක්‍රියාත්මක කිරීමට නියමිතයි.

මේ පිළිබඳ මූලික සාකච්ඡාවක් ජාතික ආහාර ප්‍රවර්ධන මණ්ඩලය, සෞඛ්‍ය අමාත්‍යාංශය හා කෘෂිකර්ම අමාත්‍යාංශයේ නිලධාරීන්ගේ සහභාගිත්වයෙන් අද ජනාධිපති කාර්යාල පරිශ්‍රයේදී පැවැත්වුණා.

Leave a comment
User Icon
Your email address and phone will not be published. Required fields are marked with *
0 Comments

Action Required