/
/
title icon
Global Eye - ජීවිත 150ක් අහිමි කළ මියන්මාරයේ ප්‍රභල භූමිකම්පාව
Global Eye - ජීවිත 150ක් අහිමි කළ මියන්මාරයේ ප්‍රභල භූමිකම්පාව
Presila Sandaruwani
4 days ago
Share:
Global Eye - ජීවිත 150ක් අහිමි කළ මියන්මාරයේ ප්‍රභල භූමිකම්පාව

ඊයේ දිනයේ එනම් මාර්තු 28 වන දින දහවක් කාලයේ දී රික්ටර් පරිමාණ ඒකක 7.7ක ප්‍රබලත්වයෙන් යුතු භූමිකම්පාවක් මියන්මාරයේ සිදු විය. මුලු ලොවක අවධානය යොමු වී ඇති මෙම සිදුවීම පිළිබඳව Global Eye විශේෂාංගය අද දිග හැරෙයි.

 

එක්සත් ජනපද භූ විද්‍යා සමීක්ෂණ ආයතනය (USGS) වාර්තා කළ පරිදි මෙම භූමිකම්පාව එරට වේලාවෙන් දහවල් 12.50ට පමණ සිදු වී ඇති අතර ඉන් පසුව රික්ටර් පරිමාණ ඒකක 4.5 සහ 6.6 අතර පසු කම්පන 4ක් ද එම ප්‍රදේශයේ දී ම සිදුව ඇත. භූමිකම්පාවේ අපිකේන්ද්‍රය බුරුමයේ සගෙයිං නගරයේ සිට කිලෝමීටර් 16ක් වයඹ දෙසින් වූ මැන්ඩලේ නගරය ආසන්නයේ පිහිටා ඇත. මෙය නේපිඩාව් සිට කිලෝමීටර් 100ක් පමණ උතුරින් පිහිටි ප්‍රදේශයකි. චීනයට සහ තායිලන්තයට ද භූකම්පනයේ ප්‍රබලත්වය බලපා ඇත. 

1a9c8d660c4e3276721f3afd64109293.png

මේ වන විට මියන්මාරයේ පුද්ගලයින් 144 දෙනෙකු මිය ගොස් 732 දෙනෙකු තුවාල ලබා ඇතැයි වාර්තා වේ. එමෙන් ම අසල්වැසි තායිලන්තයේ ද මරණ සංඛ්‍යාවක් වාර්තා වන අතර ඒ අනුව මේ වන විට පුදලයින් 150ක පමණ සැලකිය යුතු පිරිසක් මෙම සිදුවීම හේතුවෙන් ජීවිතක්ෂයට පත්ව ඇත. එමෙන් ම තවත් පුද්ගලයින් සුන් බුන් අතර සිර වී සිටින බව ද එරට මාධ්‍ය වාර්තා කර ඇත. මියන්මාර හමුදා නායක මින් අවුන් හ්ලයින් ප්‍රකාශයට අනුව නෙයි පියෙ ටෝ ප්‍රදේශයේ පුද්ගලයින් 96 දෙනෙකු ද, සයිගයිං ප්‍රදේශයේ පුද්ගලයින් 18 දෙනෙකු සහ මැන්ඩලේ ප්‍රදේශයේ පුද්ගලයින් 30 දෙනෙකු ද මිය ගොස් තිබේ. එමෙන් ම තුවාල ලැබූවන් සම්බන්ධයෙන් ගත් කල ඉන් 132ක් නෙයි පියෙ ටෝහි සහ 300ක් සයිගයිංහි ප්‍රදේශවලින් වාර්තා වන බවත්, අනෙකුත් ප්‍රදේශවල සංඛ්‍යාව තවමත් තක්සේරු කරමින් පවතින බවත් ඔහු ප්‍රකාශ කරනු ලැබුවේ ය. මේ වන විටත් එම ප්‍රදේශාශ්‍රිතව හදිසි තත්ත්වයක් පත් කර ඇති අතර සිදු වී ඇති ජීවිත හා දේපළ හානිය පිළිබඳ තක්සේරුවක් තවමත් සිදු කර නොමැත.

 

මියන්මාරයේ සිදු වූ භූමිකම්පාවෙන් එරටට පමණක් නොව තායිලන්තයේ අගනුවර වන බැංකොක් ප්‍රදෙශයට ද බලපෑම් එල්ල කර ඇත් අතර එහි දී වැඩ නිම නොකළ ගොඩනැගිල්ලක් කඩා වැටී කම්කරුවන් 81කු අතුරුදන්ව සිටි බව තායිලන්තයේ හදිසි ප්‍රතිකාර පිළිබඳ ජාතික ආයතනය ප්‍රකාශ කර ඇත. එය කඩා වැටෙන විට එහි පුද්ගලයින් 409ක් පමණ වැඩ කරමින් සිටි බව තායිලන්තයේ මහජන සෞඛ්‍ය අමාත්‍ය සොම්සක් තෙප්සුතින් ප්‍රකාශ කර ඇත. එමෙන් ම තායිලන්ත හදිසි වෛද්‍ය ප්‍රතිකාර පිළිබඳ ජාතික ආයතනයේ නිවේදනයට අනුව එහි සිටි තිදෙනෙකු මියගොස් ඇති බව තහවුරු වී ඇති බව සඳහන් වේ. මෙම විපතින් සිදු වී ඇති සම්පූර්ණ මරණ සංඛ්‍යාව තවමත් ඇස්තමේන්තු කිරීම අපහසු වන අතර දිවි ගලවා ගත් අය සෙවීම සඳහා ගලවා ගැනීමේ කණ්ඩායම් දිගට ම කටයුතු කරන බැවින්, සිද්ධිය වූ ස්ථානයේ ක්ෂේත්‍ර රෝහලක් ද පිහිටුවා ඇති බව වාර්තා වේ.

72a8a765e0dba65a3036996496596a61.png

කෙසේනමුත් මියන්මාරය හමුදා පාලනයක් යටතේ විශේෂ නෛතික රාමුවක පවතින රාජ්‍යයක් බැවින් තොරතුරු දැන ගැනීම තරමක් සංකීර්ණ වන අතර ඉදිරියේ දී මෙම සිදුවීම සම්බන්ධ යාවත්කාලීන තොරතුරු Global Eye විශේෂාංගය තුළින් වාර්තා කිරීමට අපි බලාපොරොත්තු වෙමු.

 

මෙම සිදුවීම සම්බන්ධ ඡායාරූප එකතුව පහතින්.

a42ab36fc250cae6564e7e63a1888bd8.jpg
d5e06f8dd2ce171d35891b0b03663a3f.png
1e2403e285dd4bb3c646f4b3e66a65e7.jpg
bfd9a01039851699d9ded9405298a7d0.jpg
9a97d8150eb08ddaf420861af8c41555.jpg
aa854721614da7e3178e749fedf75f71.jpg
d6649c9026d9bc1e173849f796804cff.jpg
f1396d6f528944a5230ad1f99432335a.png
3d033a8236197fe61d984dffa3902f84.png

සැකසුම හා සංස්කරණය - ප්‍රසිලා සඳරුවනි
 

Leave a comment
User Icon
Your email address and phone will not be published. Required fields are marked with *
0 Comments

Action Required