හෙට දිනයේදීත් දිවයිනේ ප්‍රදේශ රැසක උෂ්ණත්වය අවධානය යොමු කළයුතු මට්ටමක පවතින බව කාලගුණ විද්‍යා දෙපාර්තමේන්තුව පවසනවා.

ඒ අනුව උතුර, උතුරු මැද, බස්නාහිර, සබරගමුව, දකුණ සහ වයඹ යන පළාත්වල මෙන්ම ත්‍රිකුණාමලය හා මඩකලපුව දිස්ත්‍රිකවල මිනිස් සිරුරට දැනෙන උෂ්ණත්වය සෙල්සියස් අංශක 39ත්, 45ත් අතර අවධානය යොමු කළ යුතු මට්ටමක පවතිනු ඇති බව එම දෙපාර්තමේන්තුව පෙන්වා දෙනවා.

මෙම තත්ත්වය තුළ එළිමහනේ අධික වෙහෙසකාරී කටයුතු සීමාකළ යුතු අතර ප්‍රමාණවත් තරම් ජලය පානය කිරීම වැදගත්.

උණුසුම් කාලගුණ තත්ත්වය හේතුවෙන් නිවෙස් තුළ රැදී සිටින වැඩිහිටි හා රෝගී පුද්ගලයින් පිළිබඳවද සැලකිලිමත් වියයුතු බව සෞඛ්‍ය අංශ පෙන්වා දෙනවා.