පසුගිය මැයි මස 09 වනදා සහ ඊට පසු සිදුවූ කලහකාරී සිදුවීම්වලට තවත් පුද්ගලයින් 07 දෙනෙකු අත්අඩංගුවට ගෙන තිබෙනවා.
පසුගිය මැයි මස 09 වනදා පාර්ලිමේන්තු මන්ත‍්‍රී යූ.කේ. සුමිත් උඩුකුඹුරගේ නිවසට සහ දේපලවලට ගිනි තබා අනර්ථයක් සිදු කිරීමේ චෝදනාවට සම්බන්ධ පුද්ගලයකු ඊයේ අත්අඩංගුවට ගනු ලැබූ අතර, ඔහු 22 හැවිරිදි පන්ලියද්ද ප‍්‍රදේශයේ පදිංචිකරුවෙක්.
පාර්ලිමේන්තු මන්තී‍්‍ර පේ‍්‍රමනාත් සී. දොලවත්තගේ නිවසට සහ දේපලවලට පහරදීමේ සිද්ධියට 33 හැවිරිදි කඩුවෙල ප‍්‍රදේශයේ පදිංචි පුද්ගලයෙකු ඊයේ අත්අඩංගුවට ගත්තා.
එමෙන්ම පාර්ලිමේන්තු මන්තී‍්‍ර ජොන්ස්ටන් ප‍්‍රනාන්දුට අයත් ව්‍යාපාරික ආයතනයක දේපල සොරා ගැනීමේ සිද්ධියක් සම්බන්ධයෙන් ද පුද්ගලයෙකු මාවතගම ප‍්‍රදේශයේ දී ඊයේ අත්අඩංගුවට ගැනුණා.
සැකකරු පසුගිය මැයි මස 9 වනදා එම ආයතනය බිඳ රුපියල් විසිහතර ලක්ෂයට අධික වටිනාකමකින් යුත් දේපල සොරකම් කර ඇති බවයි පොලිසිය සඳහන් කළේ.
පසුගිය මැයි මස 09වනදා අම්බලන්ගොඩ ප‍්‍රාදේශීය සභාවේ මන්ත‍්‍රීවරයකුට පහරදී තුවාල සිදුකර මුදල් පසුම්බිය කොල්ලකා මන්ති‍්‍රවරයා බේරේ වැවට තල්ලූ කිරීමේ සිද්ධිය සම්බන්ධයෙන් 26 හැවිරිදි සැකකාරියක් ඊයේ අත්අඩංගුවට ගනු ලැබුවේ කොල්ලුපිටිය ප‍්‍රදේශයේදීයි.
මැයි මස 9 වනදාම කල්පිටිය ප‍්‍රාදේශීය සභාවට අයත් කැබ් රථයකට පහරදී අලාභහානි සිදුකර එහි ගමන්ගත් ප‍්‍රාදේශීය සභාවේ සභාපති ඇතුළු 3 දෙනෙකුට පහරදීමේ සිද්ධියට 50 හැවිරිදි පුද්ගලයෙකු හලාවත ප‍්‍රදේශයේදී අත්අඩංගුවට ගෙන තිබුණා.
බත්තරමුල්ල – පොල්දූව මංසන්ධියේ ජූනි මස 13 වනදා ඇති වූ කලහකාරී සිද්ධියට තවත් පුද්ගලයෙකු කොළඹ අපරාධ කොට්ඨාසය අත්අඩංගුවට ගත්තා. කොටුව දුම්රිය ස්ථානය ආසන්නයේ දී ඊයේ අත්අඩංගුවට ගත් මෙම සැකකරු බණ්ඩාරගම ප‍්‍රදේශයේ පදිංචි 49 හැවිරිදි අයෙක්.
