.png)
විමල්ගේ නායකත්වයෙන් උත්තර ලංකා සභාගය කරළියට.
පාර්ලිමේන්තුවේ ස්වාධීන වු පක්ෂ සහ සංවිධාන කිහිපයක සහභාගිත්වයෙන් වු නව සන්ධානය “උත්තර ලංකා සභාගය” ලෙසින් අද ප‍්‍රකාශයට පත් කරනු ලැබුවා.
මහරගම තරුණ සේවා සභා පරිශ‍්‍රයේදි එලි දැක්වුණු එම සභාගයේ සභාපතිවරයා ලෙස තෝරා ගැණුනේ ජාතික නිදහස් පෙරමුණේ නායක පාර්ලිමේන්තු මන්ත්රී විමල් වීරවංශයි. එහි ලේකම්වරයා ලෙස විශේෂඥ වෛද්‍ය ජි.විරසිංහ පත් කර ගැණුනා.
උත්තර ලංකා සභාගයේ අනුශාසක ධූරයට පත් කරගෙන තිබුණේ පාර්ලිමේන්තු මන්ත්රී පුජ්‍ය අතුරලියේ රතන හිමියන්.
ජාතික සංවිධායකවරවයා ලෙස පාර්ලිමේන්තු මන්තී‍්‍ර වාසුදේව නානායක්කාර පත් කර තිබුණා.
පිවිතුරු හෙල උරුමයේ නායක පාර්ලිමේන්තු මන්ත්රී උදය ගම්මන්පිල සහ මහාචාර්ය තිස්ස විතාරණ උත්තර සභාගයේ නියෝජ්‍ය සභාපති ධූරයන් ලෙස කටයුතු කරනවා. පාර්ලිමේන්තු මන්ත්රී ගෙවිදු කුමාරතුංග පත් කර තිබුණේ එහි නියෝජ්‍ය ලේකම් ලෙසයි.
ජාතික නිදහස් පෙරමුණ, පිවිතුරු හෙල උරුමය, ප‍්‍රජාතන්ත‍්‍රවාදී වාමාංශික පෙරමුණ, ශ්‍රී ලංකාවේ කොමියුනිස්ට් පක්ෂය, ලංකා සමසමාජ පක්ෂය යන පක්ෂ මෙන්ම යුතුකම සහ විජය ධරණි ජාතික සභාව යන සංවිධානවල සභාගිත්වයෙන් උත්තර ලංකා සභාගය නම් නව සන්ධානය එළිදක්වා තිබෙනවා. එහි ප‍්‍රතිපත්ති ප‍්‍රකාශයට ද එහිදි අත්සන් තැබුණා.
මෙම අවස්ථාවට පාර්ලිමේන්තුවේ පසුගියදා ස්වාධින වු පාර්ලිමේන්තු මන්ත්රී ඩලස් අලහප්පෙරුම ද එක්ව සිටියේ කර තිබු ආරධනයකට අනුවයි.
