ආසියානු දැල්පන්දු ශුරතාවේ අභිමානය තවදුරටත් තමන් සතුකරගැනීමට ශ්‍රී ලංකා කණ්ඩායම අද සමත්වුනා. ඒ, පැවති අවසන් මහා තරගයේදී සත්කාකරක සිංගප්පුරු කණ්ඩායම ලකුණු 63 ට 53ක් ලෙස පරාජයට පත් කරමින්.
තරගාවලියේ දක්ෂතා අතර සිටි ශ්‍රී ලංකාව සාර්ථක ආරම්භයක් ලබා ගන්නට සමත්වුයේ තර්ජිනි සිවලිංගම් වෙත ලැබුණු පන්දුව ලකුණක් බවට පත් කරමින්. කෙසේ වෙතත්, ශ්‍රී ලංකාවට ප‍්‍රබල අභියෝගයක් එල්ල කළ සිංගප්පූරු ක්‍රීඩිකාවන් පළමු අර්ධය ලකුණු 19 ට 13ක් ලෙස ජයගත්තා.
දෙවැනි අර්ධයේදි ද සිංගප්පූරුව දැඩි අභියෝගයක් එල්ල කළද ශ්‍රී ලංකා ක්‍රීඩිකාවන් ලකුණු පරතරය අවම කරගන්නට සමත්වුවද සිංගප්පූරුව එම අර්ධයේදීද ඉදිරියෙන් පසුවුයේ ලකුණු 30ට 27ක් ලෙසයි.
කෙසේ වෙතත්, තුන්වන අර්ධයේදි සිංගප්පුරු ක්‍රීඩිකාවන්ට ප‍්‍රබල අභියෝගයක් එල්ල කරමින් සුපුරුදු රිද්මයට අවතීර්ණ වු ශ්‍රී ලංකා ක්‍රීඩිකාවන් ලකුණු 46 ට 38ක් ලෙස එම අර්ධය ජයගත්තේ ලකුණු 08ක පරතරයක් රඳවා ගනිමින්.
තීරණාත්මක සිව්වන සහ අවසන් අර්ධය ආරම්භයේදි ලකුණු පුවරුව ක්‍රියාත්මක කිරීමට ශ්‍රීලංකාව සමත්වුවද සිංගප්පුරුව ඉන් පසු ලකුණු වාර්තා කළේ තවදුරටත් තරගය ජයගන්නට ඔවුන්ට අවස්ථාවක් ඇති බවට ඉගි පලකරමින්.
