/
/
title icon පෙර පාසල් දරුවන්ට දිවා ආහාර වේලක්.
පෙර පාසල් දරුවන්ට දිවා ආහාර වේලක්.
Editor
1 year ago
Share:
පෙර පාසල් දරුවන්ට දිවා ආහාර වේලක්.

පෙර පාසල් ළමයින් සදහා මෙම මාසයේ සිට දිවා ආහාර වේලක් ලබා දීම ලෝක බැංකු අධාර යටතේ ආරම්භ කරන බව මුල් ළමාවිය සංවර්ධනය පිළිබද ජාතික ලේකම් කාර්යාලය පවසනවා.

එහි අධ්‍යක්ෂිකා නයනා එස්.පී.කේ.ද සිල්වා කියා සිටියේ වතුකරයේ දරුවන් 35,000 ක් ඇතුළු පෝෂණ ඌණතා සහිත ප‍්‍රදේශවල පෙර පාසල් ළමයින් එක් ලක්ෂ 55,000කට මෙලෙස දිවා ආහාර වේලක් ලබාදෙන බවයි.

මේ වනවිට පෝෂණ ඌනතා සහිත පෙරපාසල් ළමයින් 90,000කට උදෑසන ආහාර වේලක් ලබා දෙන අතර එම එක් ආහාර වේලක් සදහා සැපයුම්කරුවන්ට රුපියල් 30 ක මුදලක් ලබා දෙනවා.

කෙසේ වෙතත් එම මුදල ප‍්‍රමාණවත් නොවන බැවින් එය රුපියල් 60 ක් දක්වා ඉහළ නැංවීමට කැබිනට් අනුමැතිය හිමිවුණා.

ඒ සදහා වන මුදල් ලෝක බැංකු ආධාර යටතේ ලබාදෙනු ඇති.

මෙම මාසයේ සිට අදාළ උදෑසන අහාරවේල වෙනුවට එය දිවා ආහාරවේලක් ලෙස දැනට පවතින ආහාර වට්ටෝරුවද සශෝධනය කර ලබාදීමට සැලසුම් කර ඇති බවයි මුල් ළමාවිය සංවර්ධනය පිළිබද ජාතික ලේකම් කාර්යාලයේ අධ්‍යක්ෂිකා නයනා එස්.පී.කේ.ද සිල්වා කියා සිටියේ.

මේ අතර, ගර්භනී මව්වරුන්ට රජය මගින් ලබා දුන් රුපියල් 2,000ක පෝෂණ මල්ල යලි බෙදාදීම ආරම්භ කර තිබෙනවා.

සති 12 සම්පූර්ණ වූ ගර්භණී මව්වරුන්ට රුපියල් 2,000 බැගින් වන පෝෂණ මල්ලක් මාස 10 ක කාලයකට ලබා දීම වසර කිහිපයක සිට සිදු කෙරුණු අතර එය පසුගිය ජුනි මාසයේ සිට නතර වී තිබුණේ ප‍්‍රතිපාදන නොලැබීමේ තත්වයක් තුළයි.

Leave a comment
User Icon
Your email address and phone will not be published. Required fields are marked with *
0 Comments

Action Required