/
/
title icon ජාතික සභාව ගැන යෝජනාව අද විවාදයට.
ජාතික සභාව ගැන යෝජනාව අද විවාදයට.
Editor
1 year ago
Share:
ජාතික සභාව ගැන යෝජනාව අද විවාදයට.

පාර්ලිමේන්තුවේ අභිනවයෙන් ස්ථාපිත කිරීමට යෝජිත ජාතික සභාව නැමැති පාර්ලිමේන්තු කාරක සභාව පිළිබද යෝජනාව අද විවාදයට ගැනීමට නියමිතව තිබෙනවා.

ආණ්ඩු පක්ෂයෙන් මෙම යෝජනාව ඉදිරිපත් කරන අතර එය විවාදයට ගැනීමෙන් අනතුරුව සම්මත කර ගනු ඇති.

අද පාර්ලිමේන්තුව උදෑසන 09.30 ට කථානායක මහින්ද යාපා අබේවර්ධනගේ ප‍්‍රධානත්වයෙන් රැස්වන අතර පැයක කාලයක් වාචික පිළිතුරු අපේක්ෂා කරන ප‍්‍රශ්න සදහා වෙන්කර තිබෙනවා.

අනතුරුව ජාතික සභාව සම්බන්ධයෙන් වන විවාදය ආරම්භ කෙරෙන අතර පස්වරු 5.30 දක්වා එය පැවැත්වෙන බවයි පාර්ලිමේන්තු සන්නිවේදන දෙපාර්තමේන්තුව සඳහන් කළේ.

මේ අතර, කොවිඩ් තත්වය සහ ආරක්ෂක හේතුන් මත පාර්ලිමේන්තු සංකීර්ණයට සහ ගැලරිවලට ඇතුළු වීම සම්බන්ධයෙන් ක‍්‍රියාත්මක කර තිබූ සීමාවන් අද සිට ලිහිල් කෙරෙනවා.

වේත‍්‍රධාරිවරයා කරන ලද යෝජනාවකට අනුව පාර්ලිමේන්තු කටයුතු පිළිබඳ කාරක සභාවේ අනුමැතියද පසුගියදා ඊට හිමිවුණා.

ඒ අනුව අද සිට පාසල් සිසුන්ට පාර්ලිමේන්තු සංකීර්ණය නැරඹීමට රැස්වීම් නොපැවෙත්වෙන දිනවල පෙරවරු 09.30 සිට පස්වරු 03 දක්වා අවසර ලබා දීම සිදුකෙරුණු ඇති.

විශ්ව විද්‍යාල ශිෂ්‍ය කණ්ඩායම්, රජයේ ලියාපදිංචි උසස් අධ්‍යාපන ආයතන මෙන්ම විදේශීය සංචාරකයින්ටද මෙම පහසුකම ලබා ගත හැකි වනවා.

පාසල් බලධාරින්ට මේ සදහා වේත‍්‍රධාරියා වෙත ලිපි, ෆැක්ස් හෝ පාර්ලිමේන්තු වෙබ් අඩවිය හරහා මාර්ගගතව අයදුම් කළ හැකි බවයි පාර්ලිමේන්තු සන්නිවේදන දෙපාර්තමේන්තුව වැඩිදුරටත් කියා සිටියේ.

Leave a comment
User Icon
Your email address and phone will not be published. Required fields are marked with *
0 Comments

Action Required