/
/
title icon සිමෙන්ති 100 කින් බසී.
සිමෙන්ති 100 කින් බසී.
Editor
1 year ago
Share:
සිමෙන්ති 100 කින් බසී.

කිලෝග‍්‍රෑම් පනහේ සිමෙන්ති කොට්ටයක මිල රුපියල් 100 කින් පහත දැමීමට ඉන්සී සහ ටෝකියෝ සුපර් සිමෙන්ති සමාගම් තීරණය කර තිබෙනවා.

ඒ, ඉදිකිරීම් කර්මාන්තයේ වර්ධනයට සහය දැක්වීමේ අරමුණින්.

ඒ අනුව රුපියල් 3,200 ක්ව පැවති ඉන්සී සංස්ථා, ඉන්සී මහවැලි මෙරීන් ප්ලස්, ටෝකියෝ සුපර් සහ නිපොන් කිලෝග‍්‍රෑම් පනහේ සිමෙන්ති කොට්ටයක නව මිල වන්නේ රුපියල් 3,100 ක්.

මේ අතර, සියයට 2.5 හි සමාජ ආරක්ෂණ බද්ද මහජනතාව මංකොල්ල කෑමේ බද්දක් බවට එක්සත් ව්‍යාපාරික සංසදය චෝදනා කරනවා. කොළඹ ඊයේ පැවති මාධ්‍ය හමුවකට එක්වෙමින් එම සංසදයේ නියෝජ්‍ය සභාපති සුසන්ත ලියනආරච්චි මේ බව කියා සිටියා.

මෙම සමාජ ආරක්ෂණ බද්ද හේතුවෙන් මෙරට සමස්ත කර්මාන්ත ක්ෂේත‍්‍රය දැවැන්ත අර්බුදයකට ලක්වී ඇති බවද ඔහු වැඩිදුරටත් පෙන්වා දුන්නා.

කෙසේ වෙතත් පසුගිය වසරේ ජූලි මාසයට සාපේක්ෂව මේ වසරේ ජූලි මාසයේදී ආනයන වියදම සියයට විසිපහකින් අඩුකරගැනීමට හැකියාව ලැබී ඇති බව මුදල් රාජ්‍ය අමාත්‍ය රංජිත් සියඹලාපිටිය පවසනවා. භාණ්ඩ ආනයන සඳහා පැනවූ සීමාවන් හේතුවෙන් මේ වනවිට ආනයන වියදම අඩුවීම, ප‍්‍රතිශතාත්මකව ඉහළ යමින් පවතින බවයි ඔහු පෙන්වා දෙන්නේ.

ආර්ථිකය ශක්තිමත් කිරීම සඳහා රජය ගත් තීන්දු තීරණවල ප‍්‍රතිඵල ක‍්‍රමයෙන් ලැබෙමින් පවතින බවද රාජ්‍ය අමාතවරයා සඳහන් කළා. අපනයන ආදායමද සැළකිය යුතු ලෙස ඉහළ යමින් පවතින අතර, පසුගිය වසරේ අගෝස්තු මාසයට සාපේක්ෂව මේ වසරේ අපනයන ආදායමේ සියයට 90 ක වර්ධනයක් පෙන්නුම් කරන බවයි ඔහු කියා සිටියේ.

මේ අතර ලබන වසර සඳහා වන අයවැය හෙවත් විසර්ජන පනත් කෙටුම්පතේ වැය ශීර්ෂ ඊයේ රැස්වූ කැබිනට් මණ්ඩලයේදී සළකා බලා තිබෙනවා. ඒ අනුව ලබන වර්ෂය සඳහා වන මුළු පුනරාවර්තන වියදම රුපියල් බිලියන රුපියල් බිලියන 4,634 ක්.

මුළු මූලධන වියදම රුපියල් බිලියන 3,245 ක් ලෙස ඇස්තමේන්තු ගත කර තිබෙනවා.

Leave a comment
User Icon
Your email address and phone will not be published. Required fields are marked with *
0 Comments

Action Required