/
/
title icon ආර්ථික අර්බුදයෙන් ගොඩඒමට ශ‍්‍රී ලංකාව කඩිනම් පියවර ගත යුතුයි – ලෝක බැංකුව.
ආර්ථික අර්බුදයෙන් ගොඩඒමට ශ‍්‍රී ලංකාව කඩිනම් පියවර ගත යුතුයි – ලෝක බැංකුව.
Editor
1 year ago
Share:
ආර්ථික අර්බුදයෙන් ගොඩඒමට ශ‍්‍රී ලංකාව කඩිනම් පියවර ගත යුතුයි – ලෝක බැංකුව.

ආර්ථික අර්බුදයේ බලපෑම් අවම කර ගැනීමට සහ ජනතාවගේ දිගුකාලීන ඔරොත්තු දීමේ හැකියාව ගොඩනැගීම සඳහා ශ‍්‍රී ලංකාව කඩිනම් පියවර ගතයුතු බව ලෝක බැංකුව පවසනවා.

ඔවුන් නිකුත් කළ නවතම වාර්තාවක දැක්වෙන්නේ මෙරට දළ දේශීය නිෂ්පාදිතය ලබන වසරේදී 4.2%කින් පහත වැටෙනු ඇති බවයි.

දකුණු ආසියානු රටවල්වල ආර්ථිකය සම්බන්ධයෙන් මෙම වාර්තාව නිකුත් කර ඇති අතර,  කොරෝනා වසංගතය සහ යුක්‍රේන යුද්ධය හේතුවෙන් වාර්තාගත ලෙස ඉහළ ගිය භාණ්ඩ මිල ශ‍්‍රී ලංකාවට විශාල හානියක් සිදු කර ඇති බව එහි සඳහන්.

ණය ප‍්‍රතිව්‍යුහගත කිරීම සහ මූලික ප‍්‍රතිසංස්කරණ වැඩසටහනක් ක‍්‍රියාත්මක කිරීම ශ‍්‍රී ලංකාවේ ආර්ථික ස්ථාවරත්වය සඳහා ඉතා වැදගත් වන බව ලෝක බැංකුව පෙන්වා දෙනවා.

එමෙන්ම, ආර්ථික අර්බුදය හේතුවෙන් අවදානමට ලක්වූවන් ආරක්ෂා කිරීම ඉතා වැදගත් බවත් සමාජ ආරක්ෂණ පද්ධතිය ශක්තිමත් කිරීමට කඩිනම් ක‍්‍රියාමාර්ග ගත යුතු බවත් එහි සඳහන්.

ආර්ථික අර්බුදය හමුවේ, ශ‍්‍රී ලංකාවේ 2021 සහ 2022 වසර අතර දරිද්‍රතා ඇස්තමේන්තුව සියයට 25.6 දක්වා දෙගුණ වී ඇති අතර, දරිද්‍රතාවයෙන් පෙළෙන පුද්ගලයින්ගේ සංඛ්‍යාව මිලියන 2.7කින් ඉහළ ගිය බව  ලෝක බැංකුව ප‍්‍රකාශ කළා.

ඒ අනුව ගත වූ වසරක කාලය තුළ ආසියාවේ ආහාර අර්බුදය ශීඝ‍්‍රයෙන් ඉහළ ගිය රටවල් ලෙස ශ‍්‍රී ලංකාව සහ ඇෆ්ගනිස්ථානය හඳුන්වා දී තිබෙනවා.

Leave a comment
User Icon
Your email address and phone will not be published. Required fields are marked with *
0 Comments

Action Required