.png)
ඥාණසාර හිමි තිළිණි ප්රියමාලි ළඟ මුදල් අයෝජනය කර නැතැයි බොදුබල සේනාව කියයි.
බොදුබල සේනා සංවිධානයේ නායක පූජ්‍ය ගලගොඩඅත්තේ ඥාණසාර හිමියන් තිළිණි ප්රියමාලි නම් කාන්තාව හමුවේ මුදල් ආයෝජනය කර ඇති බවට පළවන වාර්තා ප‍්‍රතික්ෂේප කරන බව බොදුබල සේනා සංවිධානය පවසනවා.
නිවේදනයක් නිකුත් කරමින් එම සංවිධානය සඳහන් කළේ තිළිණි ප්රියමාලි හෝ වෙනත් ආයතනයක ඥාණසාර හිිමියන් කිසිදු ආයෝජනයක් සිදුකර නොමැති බවයි.
මේ අතර රුපියල් කෝටි ගණනක මූල්‍ය වංචා චෝදනා යටතේ රක්ෂිත බන්ධනාගාර ගත කර සිටින තිළිණි ප්රියමාලි සමඟ ගණුදෙනු කළ බවට සමාජ ජාල මාධ්‍ය ඔස්සේ සිදුකරන ප‍්‍රචාරණයන්ට එරෙහිව ඊයේත් පාර්ශව කිහිපයක් අපරාධ පරීක්ෂණ දෙපාර්තමේන්තුව වෙත පැමිණිලි ඉදිරිපත් කළා.
සමගි ජනබලවේගයේ පාර්ලිමේන්තු මන්ත‍්‍රී චමින්ද විජේසිරි මෙන්ම ජනතා විමුක්ති පෙරමුණේ දේශපාලන මණ්ඩල සභික වසන්ත සමරසිංහ මෙලෙස පැමිණිලි ඉදිරිපත් කරනු ලැබූ පිරිස අතර වනවා.
මීට පෙර පාර්ලිමේන්තු මන්ත‍්‍රීවරුන් වන දයාසිරි ජයසේකර, ආචාර්ය නාලක ගොඩහේවා සහ උදය ගම්මන්පිල මෙන්ම සිංහලේ ජාතික සංවිධානයේ මහ ලේකම් පූජ්‍ය මැඩිල්ලේ පඤ්ඤාලෝක හිමියන් ද අපරාධ පරීක්ෂණ දෙපාර්තමේන්තුවට පැමිණිලි ඉදිරිපත් කර තිබුණා.
