/
/
title icon ජනපති රනිල්, ජගත් මහ ලේකම් ගුටේරස් හමුවෙයි.
ජනපති රනිල්, ජගත් මහ ලේකම් ගුටේරස් හමුවෙයි.
Editor
1 year ago
Share:
ජනපති රනිල්, ජගත් මහ ලේකම් ගුටේරස් හමුවෙයි.

 

ඊජිප්තුවට ළඟා වූ ජනාධිපති රනිල් වික‍්‍රමසිංහ එක්සත් ජාතීන්ගේ මහ ලේකම් අන්තෝනියෝ ගුටේරස් හමුවී තිබෙනවා.

ජාතික පාරිසරික ප‍්‍රතිපත්තිය පිළිබඳ ශ්‍රී ලංකාවේ සැලසුම් සම්බන්ධයෙන් ජනාධිපතිවරයා විසින් එහි දී එක්සත් ජාතීන්ගේ මහ ලේකම්වරයා දැනුවත් කළ බවයි ජනාධිපති මාධ්‍ය අංශය සඳහන් කළේ.

එක්සත් ජාතීන්ගේ දේශගුණික විපර්යාස සමුළුව හෙවත් ‘‘කොප් ටුවෙන්ටි සෙවන්’’ සමුළුවට සහභාගිවීම සඳහා ජනාධිපති රනිල් වික‍්‍රමසිංහ ඊජිප්තුව බලා පිටත්ව ගියේ අද අළුයමයි.

දේශගුණ විපර්යාස පිළිබඳ එක්සත් ජාතීන්ගේ සම්මුතියේ පාර්ශවයන්ගේ 27 වන සමුළුව ඊජිප්තුවේ ෂාම් එල් ෂෙයික් හි ජාත්‍යන්තර සම්මේලන මධ්‍යස්ථානයේදී හෙට සිට ලබන 18 වනදා දක්වා පැවැත්වෙනවා.

ජනාධිපති රනිල් වික‍්‍රමසිංහද මෙම සමුළුව ඇමතීමට නියමිත අතර මීට සමගාමීව ගෝලීය ආහාර සුරක්ෂිතතා සමුළුවට සහ ලෝක නායකයින්ගේ සමුළුවට ද ජනාධිපතිවරයා සහභාගී වන බවයි ජනාධිපති මාධ්‍ය අංශය සඳහන් කළේ.

මේ අතර අපනයනය මූලික කරගත් ඍජු විදේශ ආයෝජන වැඩිදියුණු කිරීම සඳහා කලාපීය සහ ගෝලීය සැපයුම් දාමයන් වෙත පිවිසීම සහ දේශීය ආර්ථිකය යළි ගොඩනැංවීමේ රජයේ ආර්ථික වැඩපිළිවෙල ශක්තිමත් කිරීම සම්බන්ධයෙන් ජනාධිපති රනිල් වික‍්‍රමසිංහ උපදෙස් ලබාදී තිබෙනවා.

ඒ, ජාතික වෙළඳ සාකච්ඡා කමිටුවේ නිලධාරීන් සමඟ ඊයේ පැවති සාකච්ඡාවකදියි.

මෙහිදි ජනාධිපතිවරයා කියා සිටියේ අන්තර්ජාතික වෙළඳාම, එහි ප‍්‍රමුඛතාවන් අනුව පෙළගැස්විය යුතු බවයි. එමෙන්ම ඍජු විදේශ ආයෝජන ආකර්ශනය කරගැනීම සඳහා අවශ්‍ය වැඩපිළිවෙළ උපරිමව ක‍්‍රියාත්මක කරන ලෙසද ජනාධිපති රනිල් වික‍්‍රමසිංහ නිලධාරීන්ට උපදෙස් ලබාදී තිබෙනවා.

Leave a comment
User Icon
Your email address and phone will not be published. Required fields are marked with *
0 Comments

Action Required