/
/
title icon බස්නාහිර ත්‍රීරෝද රථවලට අද සිට ඉන්ධන කෝටාව ඉහළට.
බස්නාහිර ත්‍රීරෝද රථවලට අද සිට ඉන්ධන කෝටාව ඉහළට.
Editor
1 year ago
Share:
බස්නාහිර ත්‍රීරෝද රථවලට අද සිට ඉන්ධන කෝටාව ඉහළට.

 

බස්නාහිර පළාතේ ලියාපදිංචි වූ වෘත්තීය ත්‍රීරෝද රථ වලට සතියකට ලීටර් 10ක ඉන්ධන කෝටාවක් ලබාදීම අද සිට ක්‍රියාත්මක කරන බව විදුලිබල හා බලශක්ති අමාත්‍ය කංචන විජේසේකර ප‍්‍රකාශ කළා.

ත්‍රීරෝද රථ සඳහා දැනට පවතින්නේ ලීටර 5ක ඉන්ධන කෝටාවක් වන අතර ත‍්‍රිරෝද රථ නියාමන වැඩසටහන යටතේ පළමු අදියරේදී බස්නාහිර පළාතේ ලියාපදිංචි වන වෘත්තීය ත්‍රීරෝද රථ සඳහා අමතර ලීටර 5ක් ද ලබා දීමට පසුගියදා තීරණය කළා.

ඒ අනුව පසුගිය පළමුවනදා සිට ත්‍රීරෝද රථ ලියාපදිංචිය බස්නාහිර පළාත් මාර්ගස්ථ මගී ප‍්‍රවාහන අධිකාරිය විසින් ආරම්භ කළ අතර මේ දක්වා ති‍්‍රරෝද රථ 9,000 ක් පමණ ලියාපදිංචි වී තිබෙනවා.

එලෙස ලියාපදිංචි වූ වෘත්තීය ත්‍රීරෝද රථ සඳහා පමණක් වැඩි කළ ලීටර 5ක ඉන්ධන කෝටාවද සමඟ ලීටර 10ක් ලබා ගැනීමට අවස්ථාව පවතිනවා.

අමතර ලීටර් 05 ක ඉන්ධන කෝටාව ලබාගැනීම සඳහා ලියාපදිංචි වීමට තවදුරටත් අවස්ථාව පවතින බවයි බස්නාහිර පළාත් මාර්ගස්ථ මගී ප‍්‍රවාහන අධිකාරිය සඳහන් කළේ.

www.wptaxi.lk වෙබ් අඩවියට පිවිසීමෙන් ඒ සඳහා ලියාපදිංචි විය හැකියි. මෙම වැඩපිළිවෙළ කඩිනමින් සෙසු පළාත් තුළද ක‍්‍රියාත්මක කරන බව විදුලිබල හා බලශක්ති අමාත්‍ය කංචන විජේසේකර කියා සිටියා.

Leave a comment
User Icon
Your email address and phone will not be published. Required fields are marked with *
0 Comments

Action Required