/
/
title icon ධනිෂ්කට ඇප නැහැ – ක්‍රීඩාවත් තහනම් වෙයි.
ධනිෂ්කට ඇප නැහැ – ක්‍රීඩාවත් තහනම් වෙයි.
Editor
1 year ago
Share:
ධනිෂ්කට ඇප නැහැ – ක්‍රීඩාවත් තහනම් වෙයි.

ස්ත‍්‍රී දූෂණ චෝදනාවකට අත්අඩංගුවට ගෙන රඳවා සිටින ධනිෂ්ක ගුණතිලකට ඇප ලබාදීම සිඩ්නි නුවර විවර්ලි අධිකරණය යළි ප‍්‍රතික්ෂේප කළා.

ඒ, මාංචු සහිතව සිටි ධනිෂ්ක, වීඩීයෝ තාක්ෂණය ඔස්සේ අධිකරණය හමුවේ පෙනී සිටි අවස්ථාවේදියි.

මෙහිදී විනිසුරුවරයා නියෝග කළේ මොහුව සිඩ්නි හි පිහිටි රැඳවුම් මධ්‍යස්ථානයක් වෙත යොමු කිරීමටයි.

මොහු පළමුවරට පැරමෙටා අධිකරණයට වීඩියෝ තාක්ෂණය ඔස්සේ ඉදිරිපත් කළ අතර, ඔහුට ඇප ලබාදීම ප‍්‍රතික්ෂේප කර තිබුණා.

ධනිෂ්ක ගුණතිලක ඊයේ අලූයම එකට පමණ සසෙක්ස් ප‍්‍රාන්ත පොලිසියේ ලිංගික අපරාධ ඒකකය මගින් අත්අඩංගුවට ගනු ලැබුවා. ඒ, 29 හැවිරිදි කාන්තාවක් සිඞ්නි පොලිසියට කළ පැමිණිල්ලකට අනුවයි.

එම පැමිණිල්ල මගින් දක්වා තිබුණේ සිඩ්නි නුවර රෝස් බේ ප‍්‍රදේශයේ පිහිටි සිය නිවසේදී ධනිෂ්ක ගුණතිලක විසින් අවස්ථා හතරකදී සිය කැමැත්තකින් තොරව ලිංගික අතවර සිදුකළ බවටයි.

පසුව සිඩ්නි පොලිසිය චෝදනා හතරක් යටතේ ධනිෂ්කට එරෙහිව පරීක්ෂණ ආරම්භ කළා.

පන්දුවාර විස්සයි විස්ස ලෝක කුසලානය ආරම්භයේදී ආබාධයට ලක්වූ ධනිෂ්ක ගුණතිලක සංචිතය තුළ රඳවාගැනීම පිළිබඳ මෙම සිද්ධියෙන් පසුව ප‍්‍රශ්න ගත තත්වයක් උද්ගත වුණා.

මේ අතර ක‍්‍රිකට් ආයතනය නිවේදනයක් නිකුත් කරමින් සඳහන් කළේ ධනිෂ්ක ගුණතිලකට පරීක්ෂණ අවසන් වනතුරු ක‍්‍රිකට් ක‍්‍රීඩාවට සම්බන්ධ සියලූ තරග සඳහා තහනමක් පැනවූ බවයි.

මෙම තීරණය අද රැස්වූ ශ‍්‍රී ලංකා ක‍්‍රිකට් විධායක කමිටුව විසින් ගත් බව ද එම නිවේදනයේ සඳහන්.

Leave a comment
User Icon
Your email address and phone will not be published. Required fields are marked with *
0 Comments

Action Required