/
/
title icon ණය හිමියන්ගේ මූල්‍ය සුරක්ෂිතතාවය ශ්‍රී ලංකාවට කඩිනමින් අවශ්‍යයි – ජී 20 නායකයින් අවධාරණය කරයි.
ණය හිමියන්ගේ මූල්‍ය සුරක්ෂිතතාවය ශ්‍රී ලංකාවට කඩිනමින් අවශ්‍යයි – ජී 20 නායකයින් අවධාරණය කරයි.
Editor
1 year ago
Share:
ණය හිමියන්ගේ මූල්‍ය සුරක්ෂිතතාවය ශ්‍රී ලංකාවට කඩිනමින් අවශ්‍යයි – ජී 20 නායකයින් අවධාරණය කරයි.

ණය ප‍්‍රතිව්‍යුහගත කිරීම පිළිබඳව චීනය සහ ජපානය ඇතුළු බහු ණයහිමියන්ගෙන් මූල්‍ය සුරක්ෂිතතාවයක් ශ්‍රී ලංකාවට කඩිනමින් අවශ්‍ය වන බව ජී 20 සමුළුවට සහභාගි වී සිටින රාජ්‍ය නායකයින් පෙන්වා දෙනවා.

ඔවුන් කියා සිටියේ ශ්‍රී ලංකාව ජාත්‍යන්තර මූල්‍ය අරමුදල සමඟ කාර්ය මණ්ඩල මට්ටමේ එකඟතාවකට පැමිණ ඇති හෙයින් මෙම සුරක්ෂිතතාවය කඩිනමින් අවශ්‍ය වන බවයි.

ජී 20 සමුළුවට සහභාගිවී සිටින ලොව ප‍්‍රධාන පෙළේ රටවල නායකයින් මැදි ආදායම් ලබන රටවල් මුහුණ දෙන ණය ආපසු ගෙවීමේ ගැටළුව පිළිබඳව ඊයේ අවධානය යොමු කර තිබුණා.

එහිදී ශ්‍රී ලංකාව ගැනත් වැඩි අවධානයක් යොමු කෙරුණා.

ඒ අනුව ජී 20 රටවල නායකයින් ප‍්‍රකාශ කර ඇත්තේ ශ්‍රී ලංකාව ඇතුළු ණය ප‍්‍රතිව්‍යුහගත කිරීම සඳහා විවිධ රටවල් සිදුකර ඇති ඉල්ලීම්වලට බහු ණයහිමි රටවල් විසින් යහපත් ප‍්‍රතිචාරයක් ලබාදිය යුතු බවයි.

ජී 20 සමුළුව මෙවර ඉන්දුනීසියාවේ බාලි නුවරදී ලොව ප‍්‍රධානම ආර්ථිකයන්ට හිමිකම් කියන රටවල නායකයින්ගේ ප‍්‍රධානත්වයෙන් පැවැත්වෙනවා.

කෙසේ වෙතත් රොයිටර් පුවත් සේවය වාර්තා කළේ ණය ප‍්‍රතිව්‍යුහගත කිරීමේ වැඩසටහන් කඩිනම් නොකිරීම සම්බන්ධයෙන් බටහිර රටවල් සහ ජාත්‍යන්තර මූල්‍ය ආයතනවල විවේචනයට ලක්වූ චීනය පිළිබඳව සමුළුවේදී කිසිවක් සඳහන් නොවූ බවයි.

Leave a comment
User Icon
Your email address and phone will not be published. Required fields are marked with *
0 Comments

Action Required