/
/
title icon මෙම වසරේ බන්ධනාගාර ගතවන රැඳවියන්ගේ වැඩිවීමක්.
මෙම වසරේ බන්ධනාගාර ගතවන රැඳවියන්ගේ වැඩිවීමක්.
Editor
1 year ago
Share:
මෙම වසරේ බන්ධනාගාර ගතවන රැඳවියන්ගේ වැඩිවීමක්.

විවිධ චෝදනා සම්බන්ධයෙන් මෙම වසරේ බන්ධනාගාර ගතවන රැඳවියන්ගේ සංඛ්‍යාව ක‍්‍රමයෙන් වර්ධනය වී ඇති බවට බන්ධනාගාර දෙපාර්තමේන්තුව පවසනවා.

එහි සංඛ්‍යාලේඛන දත්ත අනුව සියයට 65 කට අධික සංඛ්‍යාවක් බන්ධනාගාරගතව ඇත්තේ මත්ද්‍රව්‍ය ආශ‍්‍රිත චෝදනාවලට අදාළවයි.

ඒ අනුව 2022 වර්ෂය තුළ මේ වන විට මත්ද්‍රව්‍ය චෝදනා සම්බන්ධයෙන් බන්ධනාගාරගතව ඇති රැඳවියන් සංඛ්‍යාව සමස්ත රැඳවියන්ට සාපේකෂව සියයට 50 ඉක්මවා ගොස් තිබෙනවා.

මේ අතර මෙම වසරේ නොවැම්බර් 25 වන දින වන විට සමස්ත බන්ධනාගාර පද්ධතිය තුළ රැඳවියන් 26,000 කට අධික ප‍්‍රමාණයක් රඳවා තිබෙනවා.

දිවයින පුරා පිහිටි බන්ධනාගාර තුළ රැඳවිය හැකි උපරිම රැඳවියන් සංඛ්‍යාව 13,200 ක් පමණ වුවත් දැනට බන්ධනාගාර තුළ උපරිම ධාරිතාවය මෙන් දෙගුණයක් රැඳවියන් සිටින බවද බන්ධනාගාර කොමසාරිස් ජනරාල් මාධ්‍ය ප‍්‍රකාශක චන්දන ඒකනායක සඳහන් කළා.

මේ අතර සංවිධානාත්මක අපරාධ කල්ලි නායකයෙකු ලෙස සැළකෙන ගනේමුල්ලේ සංජීවගේ ප‍්‍රධාන ගෝලයෙකු හෙරොයින් සමඟ පොලිස් විශේෂ කාර්ය බලකාය මගින් අත්අඩංගුවට ගෙන තිබෙනවා.

ඒ, පොලිස් විශේෂ කාර්ය බලකායේ ගෝනහේන කඳවුරේ නිලධාරීන්ට ලද තොරතුරකට අනුව ගම්පහ – අමුණුගොඩ ප‍්‍රදේශයේදී සිදුකළ වැටලීමකදියි.

Leave a comment
User Icon
Your email address and phone will not be published. Required fields are marked with *
0 Comments

Action Required