/
/
title icon ආනයනය තහනම් කළ දුඹුරු සීනි ටොන් 1200 ක් වරායෙන් සහ කැළණියේ ගුදමකින්.
ආනයනය තහනම් කළ දුඹුරු සීනි ටොන් 1200 ක් වරායෙන් සහ කැළණියේ ගුදමකින්.
Editor
1 year ago
Share:
ආනයනය තහනම් කළ දුඹුරු සීනි ටොන් 1200 ක් වරායෙන් සහ කැළණියේ ගුදමකින්.

සුදු සීනි බවට ප‍්‍රකාශ කරමින් නීති විරෝධීව මෙරටට ආනයනය කළ රුපියල් මිලියන 241 ක් වටිනා දුඹුරු සීනි මෙට්‍රික් ටොන් 1200 ක් රේගු දෙපාර්තමේන්තුව භාරයට ගෙන තිබෙනවා. කැළණිය – බියගම ප‍්‍රදේශයේ ගුදමක ගබඩාකර තිබියදී දුඹුරු සීනි මෙට්‍රික්ටොන් 600 ක් සොයාගැණුනු අතර වැඩිදුර විමර්ශන අනුව තවත් මෙට්‍රික් ටොන් 600 ක් කොළඹ වරායේ තිබී රේගුව විසින් සොයාගත් බවයි රේගු දෙපාර්තමේන්තුව සඳහන් කළේ.

දුඹුරු සීනි මෙරටට ආනයනය කිරීම තහනම් කර ඇති පසුබිමක් තුළ අදාළ ආනයනකරු විසින් එය ආනයනය කර ඇත්තේ මෙම දුඹුරු සීනි තොගය අඩංගු බහාලූම් හි මතුපිට සුදුසීනි අතුරා, රේගු නිලධාරින්ද නොමඟ යවමින්.

මේ පිළිබඳ තොරතුරු අනාවරණය වී ඇත්තේ රේගු නිලධාරියෙකු පසුගිය දිනෙක දුඹුරු සීනි මිලදී ගැනීම සඳහා පිටකොටුව තොග වෙළඳසැල් වෙත ගිය අවස්ථාවකදී වන අතර පිටකොටුවේ කිසිදු ස්ථානයක දුඹුරු සීනි තොග වශයෙන් මිලදී ගැනීම සඳහා තිබී නොමැති බවයි වාර්තා වන්නේ.

කැළණිය ප‍්‍රදේශයේ ව්‍යාපාරිකයෙකුගෙන් දුඹුරු සීනි මිලදී ගැනීමට හැකියාව පවතින බවට රේගු නිලධාරියෙකු බව නොදැන එහිදී යම් පුද්ගලයෙකු විසින් ඔහුට තොරතුරක් ලබා දී තිබෙනවා.

ඒ ඔස්සේ විමර්ශන ආරම්භ කළ ශ‍්‍රී ලංකා රේගුව අද දිනයේ අදාළ ගබඩාව වටලා මෙම දුඹුරු සීනි තොගය රේගු භාරයට ගනු ලැබුවා. එම අවස්ථාවට මුදල් රාජ්‍ය අමාත්‍ය රංජිත් සියඹලාපිටියද එක්ව සිටියා.

Leave a comment
User Icon
Your email address and phone will not be published. Required fields are marked with *
0 Comments

Action Required