Author: Niroshan Hathurusinghe

බ්‍රිතාන්‍යයේ නව අග්‍රාමාත්‍යවරිය ලෙස එරට විදේශ ලේකම් ලිස් ට්‍රස් අද තේරි පත්විය. ඒ, එරට කොන්සර්වේටිව් පක්ෂ නායකත්ව තරගයේ දී ප්‍රතිවාදී  හිටපු මුදල් අමාත්‍ය රිෂි සුනක් පරාජය කරමිනි. පසුගිය ජූලි මාසයේ දී බ්‍රිතාන්‍ය අග්‍රාමාත්‍ය බොරිස් ජොන්සන් සිය ඉල්ලා අස්වීම ප්‍රකාශ කළ අතර,  අද (06) ඔහු එලිසබෙත් රැජිණ හමුවී සිය ඉල්ලා අස්වීම නිල වශයෙන් භාර දීමට නියමිතය.

Read More

ජාතික පාරිභෝගික මිල දර්ශකය මත පදනම් වූ වාර්ෂික ලක්ෂ්‍යමය මතුපිට උද්ධමනය ජුලි මාසයේදී 66.7% දක්වා ඉහළ ගොස් තිබේ. ජුනි මාසයේදී එම අගය දැක්වුණේ 58.9% ක් ලෙසය.  ආහාර සහ ආහාර නොවන කාණ්ඩ දෙකෙහි අයිතමවල මිල ගණන්වල සිදු වූ මාසික ඉහළ යෑම් උද්ධමනය ඉහළ යෑම සඳහා හේතු වී ඇතැයි මහ බැංකුව පෙන්වා දෙයි.  ආහාර කාණ්ඩයෙහි වාර්ෂික ලක්ෂ්‍යමය උද්ධමනය ජුනි මාසසේ සටහන් වන්නේ 75.8% ලෙසය.  ජුලි මාසසේදී එම අගය 82.5% දක්වා ඉහළ ගොස් තිබේ. ආහාර නොවන කාණ්ඩයෙහි වාර්ෂික ලක්ෂ්‍යමය උද්ධමනය ජුනි මාසයේදී 43.6% සිට ජුලි මාසය වන විට 52.4% දක්වා ඉහළ ගොස් ඇතැයි මහ බැංකුව පෙන්වා දෙයි.

Read More

බිත්තරයක නිෂ්පාදන වියදමට වඩා අඩුවෙන් බිත්තර අලෙවි කළ නොහැකි බව සමස්ත ලංකා බිත්තර නිෂ්පාකදයින්ගේ සංගමය පවසයි. පනවා ඇති උපරිම සිල්ලර මිලට බිත්තර අලෙවි කිරීම දුෂ්කර බව සමස්ත ලංකා බිත්තර නිෂ්පාකදයින්ගේ සංගමය ප්‍රකාශ කළේ ය. පාරිභෝගික කටයුතු පිළිබඳ අධිකාරිය විසින් පසුගිය දා නිකුත් කළ ඇති අතිවිශේෂ ගැසට් නිවේදනය අනුව සුදු බිත්තරයක උපරිම සිල්ලර මිල රුපියල් 43 ක් වන අතර රතු බිත්තරයක උපරිම සිල්ලර මිල රුපියල් 45කි.

Read More

රාජ්‍ය සේවකයින් කාර්යාල වෙත කැඳවීම සීමා කිරීම සඳහා වූ චක්‍රලේඛය මේ මස 24 වන දින දක්වා වලංගු වන බව රාජ්‍ය පරිපාලන හා ස්වදේශ කටයුතු අමාත්‍යාංශ ආරංචි මාර්ග පවසයි. එහෙත් සේවා අවශ්‍යතාව මත ආයතන ප්‍රධානියාට කාර්යාල වෙත කැඳවන සේවකයින් පිළිබඳව අවසන් තීරණයක් ගැනීමේ හැකියාව තිබෙන බවද එම ආරංචි මාර්ග වැඩිදුරටත් පවසයි .

Read More

හෙට සිට පෞද්ගලික බස් රථ සාමාන්‍ය පරිදි ධාවනය කිරීමට පියවර ගන්නා බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පවසයි.කෙසේ වෙතත් ලංගම ඩිපෝ නොමැති ප්‍රදේශ කිහිපයකට පෞද්ගලික බස් රථ වලට ඉන්ධන ලබාදීමට ඛණිජ තෙල් සංස්ථාව නිසි පියවර නොගැනීම නිසා එම ප්‍රදේශ වල බස් රථ ධාවනය සීමා විය හැකි බවද පවසයි.

Read More

යුවාන් වැන්ග් 5 චීන අධි තාක්ෂණික පර්යේෂණ හා නිරීක්ෂණ නෞකාව අද(11) දිනයේ හම්බන්තොට වරායට පැමිණීමට නියමිතව තිබුණත් එය මේ වනවිට ශ්‍රී ලංකාවට නාවික සැතපුම් 600 ක පමණ දුරින් ඉන්දියන් සාගරයේ යාත්‍රා කරමින් තිබේ. තම අවසරයකින් තොරව කිසිදු නෞකාවක් හම්බන්තොට වරායට ඇතුල් කිරීමට නොහැකි බව හාබර් මාස්ටර්වරයා ප්‍රකාශ  කළේ ය.

Read More

හිටපු ජනාධිපති ගෝඨාභය රාජපක්ෂ මහතා සිංගප්පූරුව සිට තායිලන්තය බලා හෙට පිටත්ව යාමට නියමිත බව එරට මාධ්‍ය පවසයි.ඒ මහතා ජූලි මස 14 වැනිදා සිට සංචාරක වීසා මත සිංගප්පූරුවේ රැදී සිටියි.

Read More